Malkus 8:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Pag-anu, lay na baw linganan si Isa baanan ga jama ndooy ka ga mulit na pa mman na boꞌ na halling, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Malkus 8:34 ပူးပေါင်းရင်းမြစ်များ

Matiyu 10:38

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya tawop inawnan mulit ku.

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 27:32

Sasang da pōꞌ man daira, sitammu na baw sila ka disu lalla man Sayrin inawnan si Saymon. Pag-anu, lay na baw ya pinaggos meꞌ siga sundalu looy nohoꞌ ningan si Isa manangkit tehang na.

Malkus 10:21

Na hangat si Isa ngandaꞌ lalla looy, ni kaehe aseꞌ na niiya, yuk na, “Sugaꞌ luu gi sina disu subay pabuwat nu mari yaꞌ na luu kulang nu. Moleꞌ na ko. Paballihan nu na altaꞌ nu boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag-lupus, boꞌ nu pabeleng pitu mmeꞌ niyaku.”

Malkus 7:14

Pag-anu siꞌ, lay na baw sohoꞌ si Isa baanan ga jama ndooy patapit. Luu jaꞌ siꞌ, yuk na ninsila, “Pakale doꞌ kam ka hatiyun bi banahan bitsala ku.

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

Lukas 14:33

Meꞌ naa du sina karuha bi bong kam doman mmeꞌ niyaku. Mastiꞌ subay pamikihan bi doꞌ duhuꞌ paayad bong takaya bi malungay mimon ma kinasengan meꞌ bi kalnaꞌ aku. Bong gantaan niyaꞌ du takaya bi, yaꞌ du kam dari mulit ku.”

Lukas 18:22

Yuk si Isa niiya, “Sugaꞌ luu gi sina disu subay pabuwat nu mari yaꞌ na luu kulang nu. Paballihan nu na altaꞌ nu sikamimon, boꞌ pagdeanun jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Lukas 20:45

Pag-anu siꞌ, sasang mimon jama masi pakale, yuk si Isa ni ga mulit na,

Lukas 9:23

Pag-anu, yuk si Isa ni sikamimon jama ndooy, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, llaw-llaw subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 19:17

Lān da lakka, lay gi nohoꞌ pinanangkit ni si Isa tehang halliꞌ man na llansang. Pag-anu siꞌ, lay na sila pōꞌ man daira song pa buntuꞌ ma inawnan Lugar Baung Kōk, bong ni pallun Hibrani, Golgota.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Suwat si Pol pa mman Baanan Sukuꞌ si Isa ndooy ni Rom 6:6

Dari tahati tabi na, pagkajama tabi maruhuꞌ ma maabak dusa, lay na tabeꞌ ni kapatoy si Isa nilansang taꞌ tehang. Sangkon batnaa, kawul-piil tabi yaꞌ na sibuꞌ ka maruhuꞌ. Sibuwa napsu tabi buwat dusa subay ga papuꞌ tabi magbayaan kitabi. Pag batnaa lay na lungay kawasa na njataꞌ tabi.

Suwat si Pol pa mman Baanan Sukuꞌ si Isa ndooy ni Rom 8:17

Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

1 Korin 15:31

Baan ta kam banahan, llaw-llaw situ ku nontongan kapatoy. Kanaalla situ bitsala ku. Subay yaꞌ bana kagakan ku ni pagkatibuuk ku ka Papuꞌ tabi si Isa Almasi, boꞌ yaꞌ bana bay bitsala ku.

1 Korin 8:13

Sangkon bong niyaku, bong baw man danganakan ku ndusa sabap meꞌ ku bay mangan sumbalian meꞌ looy, yaꞌ na ku mangan meꞌ looy pabalik.

1 Korin 9:19

Dari meꞌ tuu situ kahalan ku: San ku saꞌ ata soy maka soy na, lay gi ku buwat dī ku subay ga ata sikamimon bangsa. Atas ku buwat meꞌ tuu kawu-kawu paeka na pin jama taboo ku mmeꞌ ni Papuꞌ Isa.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Galatiya 5:24

Meꞌ kitabi itu tibuuk na ka si Isa Almasi, bong kinawnan pabuwatan tagga pa Tuhan, timanan tabi na. Meꞌ tabi ngingat, pagkajama tabi maruhuꞌ ma wā pinagbayaan meꞌ napsu tabi, lay na tabeꞌ matoy ni si Isa Almasi llansang taꞌ tehang.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.

Pilipi 3:10

Kainagon ku magsasōng na pin meꞌ ku toon Almasi. Maka kainagon ku luu na pin kawasa Tuhan njataꞌ ku ngahalin pangatayan ku, meꞌ karuha basag kawasa na bay makallum Almasi pabalik. Maka doman du ku nūs limpaꞌ Almasi bay lumingkaꞌ ni jinisan kamalasahiyan kalnaꞌ Tuhan. Maka doman du ku ngikut tabiat na. Dari meꞌ iya na du ku yaꞌ mean kahandak ku supaya tabean ku na kahandak Tuhan san gi man ku patuhut meꞌ bay kapatoy Almasi.

Pilipi 3:7

Sugaꞌ mimon ammal-ibarat ku maruhuꞌ ma kanna ku kaboo kaayaran niyaku, binilang na meꞌ ku yaꞌ na luu kapuspusan na. Batan tibuuk na ku ka Almasi.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

2 Tesaloneka 3:11

Kon bi itu paintoman kami meꞌ tuu, batan luu sina nnaa taaka kami ni baanan bi hūk buwat. Bbuwatan da bong saꞌ ningkōꞌ-ningkōꞌ, maglanyawan ngusiat kahalan jama padisu-padisu lumaꞌ.

Taytus 2:12

Aseꞌ-tabang Tuhan ina ningkitabi matomoꞌ kainagon tabi nimanan kawul-piil ma yaꞌ nulut ni kahandak na sampay nimanan oy-oy napsu ma maat. Maka aseꞌ-tabang Tuhan sina matomoꞌ kainagon tabi papatong mamiki ka buwat kaintongan sampay ngakig arat-tabiat na halloman tabi ni junyaꞌ tuu.

Hibrani 13:13

Sangkon, meꞌ kitabi itu siga mulit si Isa, subay kitabi pilay pa mman na ni poan daira. Hati na, subay kitabi patuhut niiya minsan man tabi pinahinaꞌ sibuꞌ du ka bay lingkaan na.

1 Pitel 4:1

Na pagka Almasi bay lumingkaꞌ njawom kabinsanaan jaman na ntuu ni junyaꞌ, subay du kam ngingat mastiꞌ luu jaꞌ du kabinsanaan takka pa jataꞌ bi. Sugaꞌ san ilay mintu meꞌ looy, pa kaayaran du ningkaam. Batan soysoy ina natas bininsanaꞌ kalnaꞌ si Isa, tumatandaꞌ lay na labbahan na tabiat na buwat dusa.

1 Pitel 4:13

Gam na kam gāk sabap meꞌ bi bay tabeꞌ ni kabinsanaan bay lingkaan Almasi. Batan pag beleng na ina mintu sampay pinalahil na ehe kabantugan na, magdaruhun gi sina kagakan bi.

1 Yahiya 3:16

Na man tabi toon bong oy aseꞌ sabanna, mindoga jaꞌ tabi ni si Isa, batan lay na ga ya nongan umu na kalnaꞌ kitabi. Sangkon kitabi pun subay du mangatas nongan umu tabi kalnaꞌ siga pagkahi tabi sukuꞌ si Isa.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.