Malkus 8:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Sugaꞌ lay doꞌ pateleꞌ si Isa ngandaꞌ ni siga mulit na, boꞌ na mahallingan si Pitel, yuk na, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Malkus 8:33 ပူးပေါင်းရင်းမြစ်များ

Matiyu 15:23

Sugaꞌ yaꞌ san nampung si Isa. Dari pagka amu-amu danda looy patuhut boꞌ hibuk lagi ngalingan, yuk siga mulit si Isa, “Tuwan, danda naa la nasat jaꞌ. Daa busung, sohoun na ba ya lakka.”

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Matiyu 4:10

Iya tampung si Isa, “Lakka na ko Ibilis. Yuk njawom kitab, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Malkus 3:34

Pag-anu, ngandaꞌ na baw ya ni sagannap ma lundooy ningkōꞌ ngaliput iya, boꞌ na halling, “Siga jama tuu pun itu bilang ku du nneꞌ ku ka ga danganakan ku.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Lukas 22:61

Maka ni waktu looy du, tineleꞌ na ya meꞌ Papuꞌ Isa sampay taintom na na bay tunaꞌ si Isa, ilooy ma yuk na, “Sangom tuu du yaꞌ lagi bay tingkauk manuk, ndang min tallu na ko bay maylu bahasa yaꞌ ku takila nu.”

Lukas 4:8

Iya tampung si Isa, “Yuk njawom kitab baw ba, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Lukas 9:55

Sugaꞌ lay doꞌ si Isa paawop ninsila sambayan na naggong sila yaꞌ nohoꞌ mamiki meꞌ looy.

1 Korin 5:5

pa-ntanun bi na lalla looy pa mman Ibilis supaya pinakaat na baran na. Kawu-kawu pag takissa na meꞌ looy, tawbatan na na du dusa na sampay salamat na nyawa na pag taabut llaw Papuꞌ Isa ngahukum manusiyaꞌ.

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

Taytus 1:13

Na bitsala looy ilay siꞌ, luu du bana na. Sangkon daa ko paagak maintoman sagannap ma ndiyoan nu supaya sila tattap mmeꞌ ni tōꞌ si Isa ma kinapitsayaan meꞌ ta.

1 Pitel 4:1

Na pagka Almasi bay lumingkaꞌ njawom kabinsanaan jaman na ntuu ni junyaꞌ, subay du kam ngingat mastiꞌ luu jaꞌ du kabinsanaan takka pa jataꞌ bi. Sugaꞌ san ilay mintu meꞌ looy, pa kaayaran du ningkaam. Batan soysoy ina natas bininsanaꞌ kalnaꞌ si Isa, tumatandaꞌ lay na labbahan na tabiat na buwat dusa.

1 Yahiya 2:15

Sangkon bong kinawnan hāl junyaꞌ atawa pabuwatan ma kinasengan meꞌ jama ma mandang hāl junyaꞌ, daa na meꞌ punu njawom atay bi. Batan bong hāl junyaꞌ numbul satu njawom atay bi, malaingkan saꞌ na Tuhan numbul satu. Intong na, yaꞌ kam maasean Tuhan.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.