Malkus 8:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Na puwas mandooy, lay na baw si Isa mahati siga mulit na bong oy katuwaꞌ niiya ni sinōng, yuk na, “Ndang lay na situ ginantaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ni agama ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Malkus 8:31 ပူးပေါင်းရင်းမြစ်များ

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Matiyu 21:42

Pus meꞌ looy siꞌ, yuk si Isa ninsila, “Yaꞌ kilay kam bay kabatsa suwat njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon. Ilooy ilay siꞌ man gantaan Tuhan na du, boꞌ tud kainu-inu ningkitabi.’

Matiyu 27:63

yuk da, “Tuwan, baꞌ-bāꞌ lalla looy ma pangandustaꞌ jaman na llum, paddus tallu ngallaw, llum du ya konoꞌ pabalik.

Malkus 12:10

Yuk si Isa lagi, “Kahalan anak dapu kabbun looy ilay siꞌ magtuntun du ka suwat njawom kitab ma pinagbatsa meꞌ bi, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.

Lukas 17:25

Sugaꞌ talpaksaꞌ doꞌ sina mintu niyaku duhuꞌ lumingkaꞌ njawom jinisan kabinsanaan sampay tinuwak meꞌ jama angkat-angkatan batnaa.

Lukas 24:26

Saꞌ ba, njawom kitab da, Almasi subay doꞌ duhuꞌ lumingkaꞌ njawom jinisan kamalasahiyan boꞌ na koleꞌ kabantugan saꞌ alang-alang?”

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 12:48

Sugaꞌ pag taabut llaw dambuli, mastiꞌ kalabuan jaꞌ sina hukuman sagannap ma bay nuwak aku ka tōꞌ ku. Boꞌ pindoga man da kalabuan hukuman, yana tōꞌ ku.

Yahiya 2:19

Iya tampung si Isa, “Bong itu langkat bi langga tuu, pabalik ku du situ njawom tallu ngallaw.”

Salsila siga Rasul 7:35

“Na Boꞌ Musa ilay,” yuk si Esteben lagi, “iya na silay ndang bay pingkaꞌ tinuwak meꞌ siga pagkahi na bangsa Israil, ilooy ma yuk da, ‘Soy doꞌ ina ko? Tatammu nu ga buwat dī nu panghuluꞌ subay ga ko huwis magpandoy-pandoyan kami!’ Maka Boꞌ Musa ilay, iya na du silay bay pinabeleng meꞌ Tuhan pa mman bangsa tabi Israil. Boꞌ bay gi ya dari panghuluꞌ da sampay tukang nalamat sila man tabang malaikat looy ni poon kayu-kayu looy siꞌ.”

1 Korin 15:4

Ni kaduwa na, lay na ya kinubu. Pag taabut ni katallu ngallaw, lay na ya pinakallum. Boꞌ sikatuwaꞌ bana ka ilooy ma bay tinunaꞌ njawom kitab.