Malkus 8:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² “Luuy ku la ni ga jama naa. Luu na tallu ngallaw halloman da ntuu mman ku, boꞌ yaꞌ na san luu takakan-kakan da.

Malkus 8:2 ပူးပေါင်းရင်းမြစ်များ

Matiyu 14:14

Pag dungguꞌ ga si Isa, ngita na ya sakiyan jama ngagad iya. Dari siꞌ, kapaluuy ya ninsila sampay lay na ulian na sagannap ma sakihan.

Matiyu 20:34

Dari ni kaluuy si Isa ninsila, lay na purut na mata da sampay sarunduun du sila ngita. Maka lay na sila mmeꞌ niiya.

Matiyu 9:36

Pag ndaꞌ na siga baanan manusiyaꞌ ndooy, kapaluuy ya ninsila sabap yaꞌ luu pag-asa da, boꞌ meka gi kasusahan da. Subay ga sila baanan bili-bili ma yaꞌ san luu tukang ngipat sila.

Malkus 1:41

Dari siꞌ, kapaluuy na si Isa ni lalla looy sampay purut na na lalla looy sambayan na halling, “Kuhi ku ba. Kaulian na sina ko.”

Malkus 5:19

Sugaꞌ yaꞌ bay kuhi si Isa, gam pin yuk na, “Gam na ko ba moleꞌ pa mman ga lūng-kampung nu boꞌ da baan nu mimon bay pabuwat Tuhan ningkau sampay ehe timbang na ni jataꞌ nu.”

Malkus 6:32

Dari siꞌ, sila-sila du bay dutai taꞌ kumpit pilay pa lugar yaꞌ magjama.

Malkus 6:34

Pag duwai ga si Isa man taꞌ kumpit, pag ndaꞌ na, ndang sakiyan na jama ngagad iya. Iya siꞌ tu kapaluuy na ninsila sabap subay ga sila baanan bili-bili ma yaꞌ luu tukang ngipat sila. Dari ilooy ma nagnaꞌ na baw ya noan sila kajinisan.

Malkus 8:3

Gampang ku la mapoleꞌ sila ni kalingantu da, taggahaꞌ lay na baw sila mintu kappisan ni tangngaꞌ lān. Kasohean tu, tā paglahat da llān.”

Malkus 9:22

Boꞌ daran gi ya pinatimbag meꞌ seytan na pa jawom api atawa pa jawom boheꞌ tandaꞌ seytan na doman mapatoy iya. Sugaꞌ bong siꞌ luu tarapat nu, panimbangan doꞌ kami. Tulungun doꞌ kami.”

Lukas 15:20

“Dari lay na ya pabeleng moleꞌ pa mman mmaꞌ na. Sasang na ni tangngaꞌ lān, lawak-lawak gi man lumaꞌ, takita na ya meꞌ mmaꞌ na. Dari kapaluuy na mmaꞌ na sampay magti sonse pa mman na, boꞌ na ngakkop sambayan na ngūk iya.

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.

Hibrani 5:2

Maka panghuluꞌ imam ina, takissa na parasahan siga raayat na bong luu bay magsiꞌ ni kaawam da, batan iya pun luu du salla na.