Malkus 8:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Pag-anu siꞌ, lay na ga si Isa ka ga mulit na palakka man ga Parisi looy. Maka lay na sila dutai balik taꞌ kumpit da palintas pa dambilaꞌ danaw.

Malkus 8:13 ပူးပေါင်းရင်းမြစ်များ

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Matiyu 7:6

Yuk si Isa lagi, “Daa pasensengan bi waktu bi masaplag umanat Tuhan ni jama ma amu-amu madiyoꞌ kabanahan. Batan bong ina kam amu-amu mitsala lagi, sibuꞌ du karuha bi ka nongan bbuwatan sutsiꞌ ni siga idoꞌ. Atawa sibuꞌ du kam ka nongan siga mutsaꞌ bi ni siga bawi. Yaꞌ du sina kaddoꞌ da, gam pin giniok-giok gi. Boꞌ na, kineket gi kam.

Malkus 8:12

Pag takale si Isa bitsala da, ilooy ma ngahelaꞌ ya inansong na, maka yuk na, “Kaam tu angkat-angkatan batnaa, ongoy tu subay na pin kam nohoꞌ pinakitahan sipat kawasa boꞌ bi pitsayaꞌ niyaku? Baan ta kam banahan, basta yaꞌ baw sina kam pakitahan ku.”

Malkus 8:14

Na sila siꞌ tu palintas, lay takupan ga mulit na moo tinapay lutuꞌ da. Boꞌ tinapay taꞌ kumpit dambatang du.

Lukas 8:37

Sugaꞌ bbuwatan jama sikamimon ni sikaliput Gerasa, lay maku luuy nohoꞌ si Isa lakka man lahat da sabap tawu sila. Dari siꞌ lay na ga si Isa dutai taꞌ kumpit da song palakka.

Yahiya 12:36

Sangkon, padpad masi luu mman bi sūꞌ looy, pitsayaꞌ na kam niiya supaya kaam pun dari siga sūꞌ meꞌ iya du.” Lupus si Isa siꞌ bay mitsala meꞌ looy, lay na baw ya palakka boꞌ yaꞌ na ya bay magpakita ni baanan jama ndooy.

Yahiya 8:21

Pag-anu siꞌ, lay na baw si Isa mitsala balik ninsila, yuk na, “Yaꞌ hallom, palakka na ku. Boꞌ lahat ma tiluꞌ ku, basta yaꞌ kam kapilay. Piha bi du sina ku mintu, sugaꞌ matoy jaꞌ sina kam sampay taboo bi jaꞌ sina dusa bi pa ahirat. Basta yaꞌ du ku tatammu bi.”

Salsila siga Rasul 18:6

Sugaꞌ song hallom, lay si Pol sinulang meꞌ da sampay lay gi ya pinitnahan. Dari lay na pappagan na momok tanaꞌ ma ngakkot ni badjuꞌ na tandaꞌ yaꞌ na luu lamud na ninsila. Pag-anu, boꞌ na halling, “Bong ina kam mintu minulkaan meꞌ Tuhan, man kaam na sina, saꞌ na man aku. Labba man batnaa, pa mman siga bangsa saꞌ Yahudi na ku masaplag.”

Salsila siga Rasul 27:2

Dari siꞌ lay na kami dutai taꞌ disu adjung bay lakka man Aramitiyum ma song maghāsan padisu-padisu daira ndooy ni Asiya. Maka luu du bay mmeꞌ si Aristalkus, disu soheꞌ kami man Tesaloneka ndooy ni Masidunya.