Malkus 8:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Pag takale si Isa bitsala da, ilooy ma ngahelaꞌ ya inansong na, maka yuk na, “Kaam tu angkat-angkatan batnaa, ongoy tu subay na pin kam nohoꞌ pinakitahan sipat kawasa boꞌ bi pitsayaꞌ niyaku? Baan ta kam banahan, basta yaꞌ baw sina kam pakitahan ku.”

Malkus 8:12 ပူးပေါင်းရင်းမြစ်များ

Matiyu 12:38

Pag-anu, kuwan siga guru saraꞌ agama ka ga Parisi, yuk da ni si Isa, “Tuwan Guru, pakitahan teꞌ kami sipat kawasa mari luu buktiꞌ kau bay pinapitu meꞌ Tuhan.”

Matiyu 16:4

Tud maat jama angkat-angkatan batnaa. Yaꞌ sila kanaalla pa Tuhan. Yaꞌ sila kuhi pitsayaꞌ bong sila yaꞌ bay pinakitahan sipat kawasa. Sugaꞌ yaꞌ du sila pinakitahan sipat sarī man meꞌ ilooy ma bay katuwaꞌ ni Nabi Yunus mattoꞌ.” Pag-anu siꞌ, lay na si Isa palakka mandooy.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Malkus 7:34

Pus meꞌ looy, lay na baw pahangad si Isa taꞌ langit sambayan na ngahelaꞌ inansong na, boꞌ na halling, “Eppata.” (Hatiyan na, “Bukaꞌ na kam!”)

Malkus 8:13

Pag-anu siꞌ, lay na ga si Isa ka ga mulit na palakka man ga Parisi looy. Maka lay na sila dutai balik taꞌ kumpit da palintas pa dambilaꞌ danaw.

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Lukas 19:41

Tapit banahan jaꞌ siꞌ sila pa Jerusalem sampay takita si Isa na daira looy, lay na ga ya kapanangis susahan siga jama ndooy.