Malkus 7:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sumba da niyaku yaꞌ du luu pūs na, batan siga panohoan ma tinōꞌ meꞌ da, lay jaꞌ pinabuwat-buwat meꞌ manusiyaꞌ, saꞌ ga lakka man aku.’ ”

Malkus 7:7 ပူးပေါင်းရင်းမြစ်များ

Matiyu 15:9

Yaꞌ du luu pūs sumba da niyaku. Baꞌ-bāꞌ da tōꞌ da lakka man aku, boꞌ ko, lay jaꞌ pinabuwat-buwat meꞌ manusiyaꞌ.’ ”

Matiyu 6:7

“Maka bila kam maku duwaa, daa kam mitsala manunsāp subay na pin pinagsibalik-balik duwaa bi meꞌ karuha jama ma numba tuhan-tuhan. Sila ina, kanna da subay na pin tahaꞌ banahan duwaa da boꞌ da pinaruli meꞌ tuhan-tuhan da.

1 Korin 15:14

Maka bong ilay siꞌ Almasi yaꞌ bay pinakallum, senseng jaꞌ sangsāꞌ kami masaplag. Boꞌ na, pangando bi pun niiya yaꞌ du luu pūs na.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

Kolossa 2:22

Siga aturan meꞌ looy ilay yana panohoan ka tōꞌ lakka man manusiyaꞌ sadjaꞌ, saꞌ ga man Tuhan. Sarī gi, lawuk ina ka inuman ma tinagga meꞌ da, sandaꞌ-sandaꞌ jaꞌ, bosbos luu, bosbos katis. Hāl meꞌ naa ina, yaꞌ luu sukuꞌ na ni kasalamatan jama.

Taytus 3:9

Sugaꞌ kasohean jama yaꞌ doman ngahasi bitsala ku. Iya karomanan da magjaw-jawap jaꞌ hāl ma yaꞌ luu pus na. Tigiꞌ sila maglangkaw-langkawan ni hāl usuwan kabboꞌ-bboan maka magsaggaꞌ pasal jinisan aturan agama Yahudi. Sangkon daa na ko palamud. Tud yaꞌ sina luu sōng na, gam pin kalāt gi ni waktu.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

Yaꞌkub 2:20

Na kaam ina, bong kam mista sukup pitsayaꞌ jaꞌ ni si Isa, tud kulang pangahati bi. Subay siꞌ soysoy pitsayaꞌ niiya, mastiꞌ subay gapiꞌ ka siga pabuwatan mahap. Bong ina niyaꞌ, yaꞌ du luu pūs meꞌ na pitsayaꞌ.

Siga Pakaradjaan bay Pinalahil 22:18

Na kaam mimon ma bay kale ni siga bitsala ka ga tunaꞌ ni kitab tuu, bandaan ta kam: Amay-amay daa kam ngalabihan umanat na. Soysoy ina bay ngalabi, mastiꞌ pinakissahan jaꞌ sina meꞌ Tuhan siga balaꞌ ma bay sinabbut njawom kitab tuu.