Malkus 7:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Pag tampung si Isa, “Kaam tu, magbawuꞌ-bawuꞌ jaꞌ kam sutsiꞌ. Tud lay du bana tuwaꞌ pa kaam palman ma bay sinuwatan meꞌ Nabi Isaya mattoꞌ, ilooy ma yuk Tuhan, ‘Ga jama tuu, bong ni bitsala pōꞌ man jawom behe da, maehe sila aku. Sugaꞌ njawom atay da, yaꞌ san hagaan ninsila kahandak ku.

Malkus 7:6 ပူးပေါင်းရင်းမြစ်များ

Yahiya 5:42

Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan.

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

2 Timuti 3:5

Bong ndaꞌ mata, meꞌ bantuk ngisbat sila Tuhan. Sugaꞌ sabana na, tuwak da Tuhan ka kawasa na ngahalin pangatayan da. Sangkon daa ko samod ka ga jama meꞌ looy.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.