Malkus 7:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Damikiyan, bong sila bay man tabuꞌ, yaꞌ du sila kakakan bong sila yaꞌ doꞌ bay duhuꞌ ngosoꞌ man da ngikut aturan kabboꞌ-bboan da. Maka meka gi silay jinisan aturan kabboꞌ-bboan da ikut da ni hāl meꞌ ngosoan ga sawan, karilu sampay ga siliꞌ.

Malkus 7:4 ပူးပေါင်းရင်းမြစ်များ

Matiyu 23:25

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Inaa du jagahan bi kasutsian ni poan. Bong siꞌ ibaratan sawan atawa pinggan, ni poan du kosoan bi. Sugaꞌ njawom, pabiya bi jaꞌ pannoꞌ meꞌ jinisan kalalamaan. Meꞌ naa du sina karuha njawom atay bi, masi du pannoꞌ meꞌ napsu mulakab batan isu-isu parasahan bi du pinaruli meꞌ bi.

Matiyu 23:26

Kaam siga Parisi subay ga kam jama buta. Sutsiun bi doꞌ ba duhuꞌ njawom atay bi supaya sutsiꞌ na du kam ni poan.

Matiyu 27:24

Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Malkus 7:8

Dari yuk si Isa ninsila, “Kaam pun ilay meꞌ looy du. Batan bbuwatan bi mogbogan siga aturan manusiyaꞌ, boꞌ siga panohoan Tuhan tikutan bi na.

Yahiya 2:6

Na ndooy siꞌ, luu nnom poga mehe man ngannaꞌ boheꞌ halliꞌ man siga Yahudi ngikut arat agama da nutsiꞌ tangan da. Njawom disu poga kira-kira ngisi ga dahatus liter.

Yahiya 3:25

Na sasang ga si Yahiya ndooy, kasohean mulit na lay magjawap ka disu pagkahi da Yahudi pasal aturan agama da hāl meꞌ nutsiꞌ.

Hibrani 9:10

Sarī gi, siga aturan ma bay bogbogan da ilay tuwaꞌ pa hāl ma yaꞌ ngotab pa jawom atay, meꞌ sapantun aturan hāl makanan ka inuman sampay jinisan pandihan. San pooy meꞌ mogbogan siga aturan meꞌ looy, yaꞌ du kasutsiꞌ ni atay. Sugaꞌ talpaksaꞌ baw ninsila mogbog ngkod-ngkoran yaꞌ gi bay pinasampay pagsulutan bahau.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.