Malkus 7:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Na pag lakka ga si Isa man tagan Tayil, lay sila pingkaꞌ man jawom daira Saydon sampay lay na sila nakka Danaw Jalil ndooy ni Dekapolis.

Malkus 7:31 ပူးပေါင်းရင်းမြစ်များ

Matiyu 11:21

yuk na, “Kaam, jama man Korasin ka Betsayda, tud siya-siya kam. San meka na sipat kawasa Tuhan bay pakitahan ku kaam, yaꞌ du kam bay kuhi nawbat. Bong siꞌ ilay ndang bay na pinakitahan ni jama Tayil ka Saydon mattoꞌ, hallom na sila bay nawbat. Ndang lay na silay sila matuk karut kasap sampay ngannaan kōk da abu tandaꞌ da sasso ni bay dusa da.

Matiyu 4:18

Na disu llaw sasang si Isa lumān ni bihing Danaw Jalil, luu takita na duwa lalla padidilawut ngalambat, yana si Saymon ma pinag-awnan si Pitel ka danganakan na si Andru.

Matiyu 4:25

Dari yaꞌ hallom, luu na patuhut niiya sakiyan jama lakka man Jalil, man Dekapolis, man Jerusalem ka sikaliput Yahudiya, sampay man siga lahat ndooy ni dambilaꞌ Sōng Juldan.

Malkus 5:20

Dari lay na lakka lalla looy sampay lay na ya ngalataan lahat ndooy ni Dekapolis nuntut mimon bay pabuwat si Isa niiya. Dari sagannap ma bay kabaan, tud bay mehe meꞌ da inu-inu.

Malkus 7:24

Pag-anu, lay na baw ga si Isa lakka man Jalil song pilay pa disu lahat tapit pa daira Tayil. Takka ndooy siꞌ, lay doꞌ sila pahantiꞌ ni disu lumaꞌ. Na si Isa siꞌ tu, kainagon na, yaꞌ ya tasayu ga luu na ya ndooy. Sugaꞌ san meꞌ looy, masi du bay taaka jama.

Malkus 7:30

Pag poleꞌ danda looy, tud mattan du lay na lakka seytan man baran anak na, batan ndaꞌ na sannang na anak na pabāk taꞌ bangkuꞌ.