Malkus 7:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Pag tampung danda looy, “Bana sina Tuwan, sugaꞌ minsan ina ga idoꞌ, masi gi du dari mangan san lasa mimis ma bay talabuꞌ meꞌ siga anak-anak man lamisahan.”

Malkus 7:28 ပူးပေါင်းရင်းမြစ်များ

Matiyu 15:27

“Bana sina Tuwan,” yuk danda looy, “sugaꞌ minsan siga idoꞌ ndiyoꞌ lumaꞌ, luu du bahagiꞌ da san lasa mimis labuꞌ man taꞌ lamisahan papuꞌ da.”

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Malkus 7:27

Dari pagka doman si Isa nongkad bong pooy basag pangando danda looy niiya, yuk na, “Subay bangsa Yahudi doꞌ paruhuꞌ ku tinabang. Bong ina kau ya paruhuꞌ ku, sibuꞌ du ka bay kaddoꞌ ku kinakan sinukuꞌ ni siga anak ku, boꞌ ndean na baw siga idoꞌ.”

Malkus 7:29

Yuk si Isa niiya, “Pagka meꞌ naa tampung nu, tumatandaꞌ luu pangando nu niyaku. San ko moleꞌ na. Lay na du silay pōꞌ seytan man jawom baran anak nu.”

Suwat si Pol pa mman Baanan Sukuꞌ si Isa ndooy ni Rom 10:12

Na kasalamatan tuu itu para ni mimon bangsa, saꞌ biddaꞌ bong sila Yahudi atawa ssaꞌ, batan Tuhan yaꞌ magsitingka manusiyaꞌ. Mimon kitabi manusiyaꞌ, disu du Papuꞌ tabi. Boꞌ meka sina kaayaran ndean meꞌ na ni sikamimon ma maku tabang niiya.

Suwat si Pol pa mman Baanan Sukuꞌ si Isa ndooy ni Rom 3:29

Boꞌ timbang Tuhan ina, saꞌ sat para ni bangsa Yahudi, arapun sampay ni mimon bangsa. Batan bangsa Yahudi atawa ssaꞌ, basta iya du Tuhan tabi saliꞌ-saliꞌ.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.