Malkus 7:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Ndooy siꞌ, takita da na baw kasohean mulit si Isa yaꞌ san bay ngikut aturan agama meꞌ ngosoan tangan bong sila mangan. Dari ni bandingan da, yaꞌ sutsiꞌ tangan da ni mata Tuhan.

Malkus 7:2 ပူးပေါင်းရင်းမြစ်များ

Matiyu 15:2

“Ga mulit nu mangan, ongoy doꞌ ina lanan meꞌ da ngosoan tangan da, yaꞌ san ikut da aturan kabboꞌ-bboan tabi?”

Malkus 7:5

Dari tilaw ga Parisi ka ga guru saraꞌ agama ni si Isa, “Ongoy lay ga mulit nu yaꞌ san ngikut aturan kabboꞌ-bboan tabi? Ndaꞌ kami, mangan jaꞌ sila san yaꞌ gi sutsiꞌ tangan da ni mata Tuhan.”

Lukas 11:38

Sugaꞌ tud bay jayip Parisi looy pag ndaꞌ na yaꞌ san si Isa bay ngikut lanan ni agama da bong pooy meꞌ siga Yahudi ngosoan tangan da boꞌ mangan.

Salsila siga Rasul 10:28

Dari yuk na ninsila, “Kaam ma luntuu, katoonan bi du, tagga ni saraꞌ agama kami Yahudi maglaw-lamud atawa paasok pa jawom lumaꞌ bangsa sarī. Sugaꞌ bahau jaꞌ situ bay pinakitau meꞌ Tuhan niyaku subay ku yaꞌ ngitung soy maka soy na manusiyaꞌ haram.

Salsila siga Rasul 11:8

“Sugaꞌ yuk ku, ‘Uy Papuꞌ, tud yaꞌ bina la tasogsog ku! Halloman ku llum, yaꞌ gi ku bay pingkaꞌ mangan lamaꞌ-lamaꞌ atawa haram!’

Suwat si Pol pa mman Baanan Sukuꞌ si Isa ndooy ni Rom 14:14

Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na.

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

Siga Pakaradjaan bay Pinalahil 21:27

Sugaꞌ oy-oy jaꞌ kalalamaan ma katamak ni manusiyaꞌ, saumu yaꞌ dari paasok pa jawom daira looy. Damikiyan, soysoy buwat kasabuhan atawa ngandustaꞌ yaꞌ du dari paasok. Ilooy du kapaasok pilay yana sagannap ma bay tasuwatan awon da njawom Būk Kaallum. Ilooy ilay siꞌ yana Būk Bili-bili looy man ngalista awon sagannap ma luu kaallum da saumu-umu njawom okoman Tuhan.