Malkus 6:52 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵² Batan ni kabilod da, masi yaꞌ tabistu da bong soy ya san bay na tasakup da ga tinapay looy bay pinaekahan meꞌ na.

Malkus 6:52 ပူးပေါင်းရင်းမြစ်များ

Malkus 16:14

Yaꞌ hallom, si Isa na mismu bay patammu ni ga mulit na sikasapu-dambuwaꞌ sasang da mangan. Sampay lay gi sila sinahawi meꞌ na sabap ni katohas kōk da yaꞌ sila kuhi pitsayaꞌ ni siga pagkahi da ma bay ngita iya pus na bay pinakallum.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Malkus 7:18

Yuk si Isa ninsila, “Hati, sampay kaam, yaꞌ gi du kina kam kahati? Subay siꞌ tahati bi na, oy-oy kakan jama, yaꞌ du luu katamak ninsila pa Tuhan

Lukas 24:25

Dari yuk si Isa ninsila, “Uy kaam tu, ongoy kam yaꞌ kahati? Ongoy kam kaawran pitsayaꞌ ni siga tunaꞌ kanabi-nabihan pasal Almasi?

Yahiya 12:40

“Lay na sila pinabuta meꞌ Tuhan supaya sila yaꞌ ngita. Lay na pinalindoman meꞌ na pamiki da supaya sila yaꞌ kahati. Bong siꞌ saꞌ meꞌ looy, luu gi dapat da nawbat, boꞌ taulian ku pangatayan da.”

Suwat si Pol pa mman Baanan Sukuꞌ si Isa ndooy ni Rom 11:7

Dari batnaa, meꞌ tuu na situ kaadaan bangsa Israil: kaintongan ma bay pinagdautan meꞌ da, yaꞌ bay tinimaꞌ meꞌ kaekahan pag taabut na bay ndean ninsila. Ilooy du bay nimaꞌ, yana sagannap ma bay pineneꞌ meꞌ Tuhan. Boꞌ ilooy kasohean, gam pin lay gi patohas kōk da.