Malkus 6:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Na balik ta pa siga rasul si Isa, pag beleng da bay ngalataan lahat, nuntut na sila ni si Isa mimon bay pabuwat da sampay ilooy ma bay tōꞌ da.

Malkus 6:30 ပူးပေါင်းရင်းမြစ်များ

Panagnaan 24:66

Pag sitammu sila, lay na tinuntutan si Isahak meꞌ tindog na mimon kahalan ni bay palanan da.

Matiyu 10:2

Awon siga rasul looy siꞌ sikasapu-duwa yana ituu: Duhuꞌ si Saymon ma pinag-awnan si Pitel maka danganakan na si Andru. Pasunuꞌ, si Yaꞌkub maka danganakan na si Yahiya, siga anak si Sibidi.

Malkus 3:14

Takka njataꞌ, lay ya meneꞌ sapu-duwa ninsila binuwat rasul na. Sila siꞌ tu bay pineneꞌ mmeꞌ niiya supaya sila tasohoꞌ na ngalataan lahat masaplag umanat Tuhan song hallom.

Malkus 6:29

Taaka jaꞌ siꞌ meꞌ siga mulit si Yahiya, ilooy ma lay na kaddoꞌ da mayat na sampay lay na kinubu.

Lukas 10:17

Na hallom maka hallom na, luu na bay pabeleng ga mulit si Isa ilooy siꞌ ma sikapitumpuꞌ-duwa. Tud bay gāk sila maka yuk da ni si Isa, “Tuwan, sampay siga seytan ngasip jaꞌ la ningkami bong awon nu sabbut kami!”

Lukas 17:5

Pag-anu, yuk siga rasul si Isa, “Tuwan, bong anu, toan doꞌ kami mari pabasag na pin pangando kami pa Tuhan.”

Lukas 22:14

Na pag taabut jaꞌ siꞌ waktu, siharung-harung na si Isa ka ga rasul na mangan.

Lukas 24:10

Ilooy siꞌ ma bay nuntut yana ga si Mariyam man Magdala, si Jowanna, si Mariyam, yana nneꞌ si Yaꞌkub, maka luu gi kasohean karandahan bay soheꞌ da pilay pa kubu.

Lukas 6:13

Pag kallat llaw, lay linganan na sagannap ma mmeꞌ niiya boꞌ na meneꞌ sapu-duwa binuwat rasul na.

Lukas 9:10

Na balik ta pa siga rasul si Isa siꞌ, pag beleng da bay ngalataan lahat, lay na tuntutan da si Isa mimon bay pabuwat da. Pag lupus, lay na baw sila binoo meꞌ si Isa song pilay pa tagan daira inawnan Betsayda, sila-sila jaꞌ.

Salsila siga Rasul 1:26

Na lupus jaꞌ siꞌ sila bay maku duwaa, lay takoot da yana awon si Matiyas. Dari iya na bay pinatabeꞌ ni ga rasul si Isa ma sapu-dambuwaꞌ.