Malkus 6:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Malkus 6:3 ပူးပေါင်းရင်းမြစ်များ

Matiyu 11:6

Maka baan bi ya, njawom supaat sina soysoy yaꞌ paalang pitsayaꞌ niyaku.”

Matiyu 12:46

Sasang si Isa masi na pin mitsala ni jama njawom disu lumaꞌ, takka na baw nneꞌ na ka ga danganakan na. Ngagad na pin sila ni poan batan doman sila magbitsala ka iya.

Malkus 15:40

Ndooy siꞌ, luu gi baanan karandahan maiman man katāhan. Tabeꞌ ninsila yana ga si Mariyam man Magdala, si Salome, ka si Mariyam, yana nneꞌ si Joses ka si Yaꞌkub ma inawnan Siyali.

Malkus 3:18

Luu gi si Andru, si Pilip, si Baltolome, si Matiyu, si Tomas maka si Yaꞌkub, yana anak si Alpiyus. Pasunuꞌ si Tadiyus, si Saymon ma bay pingkaꞌ ngatuhan parinta Rom,

Lukas 2:34

Pus meꞌ looy, lay doꞌ sila pakuhan si Simiyun supaat. Maka yuk na ni si Mariyam, “Gantaan man Tuhan, sabapan anak-anak tuu, meka sina mintu bangsa Israil binasa sabap meꞌ da yaꞌ pitsayaꞌ niiya. Sugaꞌ meka du baw sina salamat man sabapan na du. Iya ina mintu yana padduman ma magmundaan manusiyaꞌ pa Tuhan. Salla na, meka jama nuwak iya.

Lukas 7:23

Baan bi ya, njawom supaat soysoy yaꞌ hawal-hawalan niyaku.”

Lukas 8:20

Dari siꞌ luu bay maan si Isa, yuk na, “Tuwan, alay la nneꞌ nu ka ga danganakan nu nangge ni poan. Doman konoꞌ sila magbitsala ka kau.”

Yahiya 14:22

Pag-anu, tilaw si Judas (saꞌ baw si Judas Iskariyut), yuk na, “Papuꞌ, ongoy lay ningkami jaꞌ man nu malahil dī nu, bong ni jama niyaꞌ?”

Yahiya 6:42

yuk dangan pa dangan, “Saꞌ kina inaa si Isa, anak si Yusup? Nneꞌ-mmaꞌ na bilay la takila tabi. Pooy baw lay la meꞌ na sikatuwaꞌ halling na siꞌ, lay ya duwai man sulgaꞌ?”

Salsila siga Rasul 1:13

Siga rasul looy ilay siꞌ yana ga si Pitel, si Yahiya, si Yaꞌkub, si Andru, si Pilip, si Tomas, si Baltolome, si Matiyu, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom, maka si Judas yana anak si Yaꞌkub. Takka jaꞌ siꞌ sila pa Jerusalem, lay sila dutai pa jawom bilik luha ni kaduwa pangkat lumaꞌ man da tamban.

Salsila siga Rasul 12:17

Bbuwatan si Pitel baw siꞌ tu ngisalat ka tangan na yaꞌ nohoꞌ sila hibuk. Pag-anu siꞌ, lay na sila tuntutan na bong pooy meꞌ Papuꞌ bay mapōꞌ iya man jawom jīl. Maka lay gi ya nohoꞌ sila nuntutan si Yaꞌkub sampay na mimon sukuꞌ si Isa pasal bay kahalan na siꞌ. Pag-anu siꞌ, lay na baw ya lakka mandooy song pa disu kawum.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 9:4

Na meꞌ kami itu ka si Balnabas magpanoan sukuꞌ Almasi, sapatut na, subay kami binalanjaan meꞌ siga jamaa ma tinoan.

Galatiya 1:19

Boꞌ sasang ku ilay siꞌ ndooy, yaꞌ san ku bay sitammu ka siga rasul si Isa kasohean sarī man si Yaꞌkub, yana danganakan Papuꞌ Isa.

1 Pitel 2:4

Na kitabi itu ma pitsayaꞌ ni si Isa ginalla lumaꞌ Tuhan sabap luu na Rū Tuhan bay pinaasok pa jawom atay tabi. Dari ko ngawon, kitabi itu meꞌ sapantun batu llum man Tuhan buwat lumaꞌ na. Kuwan si Isa, meꞌ sapantun batu lambu ma llum man lumaꞌ Tuhan pinatangge mari pagon. Sugaꞌ minsan ya hagaan saꞌ alang-alang sampay bay pineneꞌ meꞌ Tuhan, bay gi du ya tinuwak meꞌ manusiyaꞌ. Boꞌ kitabi baw itu, lay na kitabi nibuuk dī tabi ka iya. Pag toklas na, lay na kitabi dari siga imam sutsiꞌ. Dari yana meꞌ siga imam maruhuꞌ nongan kulban pa Tuhan, kitabi pun luu du songan tabi pa Tuhan, yana dī tabi buwat kahandak na. Boꞌ hinasi jaꞌ kitabi meꞌ Tuhan sabap lay na kitabi sinutsiꞌ meꞌ si Isa Almasi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.