Malkus 6:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Sugaꞌ song hallom, luu na dapat si Herodiyas ngahawasan paddi inansong na. Dari meꞌ tuu silay: Pag taabut haliyan buwan man Gubnul Herod bay pinamaddihan, lay ya ballang mehe. Lay kaddoꞌ na ga kunsihal na, siga komandel sundalu na sampay ilooy kasohean ma balkanan ndooy ni Jalil.

Malkus 6:21 ပူးပေါင်းရင်းမြစ်များ

Panagnaan 27:41

Dari labba man llaw looy na siꞌ, lammis na si Esaw ni si Yaꞌkub sabap supaat man mmaꞌ na para niiya, lay na takoleꞌ meꞌ si Yaꞌkub. Dari siꞌ jawom atay si Esaw, “Biyahun na, yaꞌ na du situ hallom, matoy na du Simmaꞌ. Pag mintu lay na ya limbu, papatoy ku sa si Yaꞌkub.”

Panagnaan 40:20

Na taabut jaꞌ tallu ngallaw looy siꞌ, ndooy na du llaw man sultan bay pinamaddihan. Dari lay ya ballang mehe man na maglami-lami ka ga kunsihal na. Maka lay sohoꞌ na binoo pa awpan da bay tukang nunggang inuman na ka bay tukang buwat tinapay na.

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Salsila siga Rasul 25:23

Pag meꞌ sumawung, lay na pilay ga Sultan Agripa ka si Belnisa pa lumaꞌ mehe man ngahukum. Takka ndooy, tud bay basag meꞌ ngalak sila. Boꞌ luu gi siga komandel sampay siga jama balkanan ni daira looy ngahaboyan sila. Pag-anu, lay na sohoꞌ Gubnul Pestus binoo si Pol pa jawom.

1 Pitel 4:3

Sangkon kuwan kaam, ddong na kam malātan waktu bi ngakig uwahan jama ma yaꞌ ngisbat Tuhan. Sila ina maabak jinisan kalaatan meꞌ sapantun magjina, maka nganduwan oy-oy napsu ma maat sampay maglangohan. Boꞌ mmeꞌ gi sila ni baanan danda ka lalla buwat kasabuhan. Maka luu gi sarī pabuwat da ma tagga pa Tuhan meꞌ sapantun numba siga tuhan-tuhan.

Siga Pakaradjaan bay Pinalahil 11:10

Jama ni sikaliput junyaꞌ, mehe meꞌ da gāk pag mintu lay na matoy ga sosohoan looy sikaduwa ma masampay umanat Tuhan. Maglami-lami na silay mintu sila sampay sibuwan-buwan gīp sabap lay na pinapatoy ga sosohoan looy ma bay kalingog ninsila.