Malkus 6:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Ngkon ilay Gubnul Herod bay mitsala meꞌ looy sabapan ilooy ma bay pabuwat na ni si Yahiya. Batan iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap bay ya sinahawi meꞌ si Yahiya pasal kalaatan na bay ngagaw nda si Pilip, yana si Herodiyas. Boꞌ si Pilip ilay yana ariꞌ Gubnul Herod mismu.

Malkus 6:17 ပူးပေါင်းရင်းမြစ်များ

Matiyu 11:2

Ni waktu looy siꞌ, kuwan si Yahiya ma Tukang Mandi, lay tajīl. Ndooy siꞌ, lay ya kaakahan pasal pabuwatan si Isa Almasi. Dari lay ya nohoꞌ mulit na kasohean pilay pa mman si Isa nohoꞌ nilaw.

Matiyu 4:12

Song hallom, lay na baw taaka si Isa lay tasungkub si Yahiya ma Tukang Mandi sampay lay na tajīl. Dari lay na baw ya pabeleng pa Nasaret ndooy ni Jalil.

Malkus 6:16

Dari pag tahabal Gubnul Herod halling ga jama meꞌ looy, yuk na, “Ilooy na silay Yahiya ma bay sohoꞌ ku pinonggolan kallong na! Luu na hati llum pabalik!”

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Yahiya 3:24

(Waktu looy siꞌ, yaꞌ gi si Yahiya bay tajīl.)