Malkus 5:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

^7-8 Dari lay sohoꞌ si Isa seytan na pōꞌ man jawom baran na. Pag-anu, magti ngahowap seytan looy, yuk na, “Batōy nu itu ku, Isa? Katoonan ku du bina kau Anak Tuhan Mahatinggi! Junjung ku na ningkau ni awon Tuhan, baan nu na ku yaꞌ ko midjalaꞌ aku.”

Malkus 5:7 ပူးပေါင်းရင်းမြစ်များ

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 16:16

Tampung si Saymon Pitel, “Kau na bina Almasi, tukang nalamat ma bay njanjiꞌ meꞌ Tuhan sabanna ma llum saumu-umu. Kau na Anak Tuhan.”

Matiyu 26:63

Pag yaꞌ jaꞌ siꞌ nampung si Isa, mitsala na baw bbalik panghuluꞌ imam, yuk na, “Sapahan nu teꞌ ba batnaa ni awpan Tuhan sabanna ma llum saumu-umu bong bana kau na Almasi, yana Anak Tuhan.”

Matiyu 4:3

Pag-anu siꞌ, takka na baw Ibilis, yana tukang nasat. Yuk na ni si Isa, “Bong ko bana-bana Anak Tuhan, sōn teꞌ padari tinapay ga batu naa mari luu na kakan nu.”

Matiyu 8:29

Pag takita da si Isa, lay hinowapan meꞌ da, yuk da, “Ū Anak Tuhan, manggoy ina ko luꞌ pitu? Batōy nu kami? Pidjalaꞌ nu na kina kami san yaꞌ gi ngabut waktu bay ginantaꞌ meꞌ Tuhan ningkami?”

Malkus 1:24

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Malkus 14:61

Sugaꞌ yaꞌ san ya bay nampung. Dari lay tinilaw balik meꞌ panghuluꞌ imam, yuk na, “Bana kina kau Almasi, Anak Tuhan Mahatinggi?”

Malkus 3:11

Maka tuktuk na takita meꞌ siga jama sineytan, magti sila pahantak ni awpan na sambayan da ngahowap, yuk da, “Kau ina Anak Tuhan!”

Malkus 5:6

Pag takita na jaꞌ siꞌ si Isa ni katāhan, ilooy ma lay ya sonse pa mman na boꞌ na sujud ni awpan na.

Lukas 1:32

Anak nu ina mintu jama langkaw banahan ntan na sampay ginalla lagi Anak Tuhan Mahatinggi. Maka ndean iya na sina mintu meꞌ Tuhan pagkasultan bboꞌ na mattoꞌ yana Sultan Daud.

Lukas 4:34

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Salsila siga Rasul 16:17

Na ni llaw looy du siꞌ, lay patuhut danda looy ningkami. Bbuwatan na ngahowap, yuk na, “Ga lalla naa ina yana ata Tuhan Mahatinggi! Buwatan da ina masaplag jalan man bi salamat.”

Salsila siga Rasul 19:13

Na jaman looy du siꞌ, luu du ndooy baanan Yahudi ma tukang nawa jama sineytan padisu-padisu kawum. Ni baanan da siꞌ, luu pituꞌ lalla yana anak disu imam langkaw inawnan si Eskeba. Pag taaka ga lalla looy siꞌ mehe kawasa awon Papuꞌ Isa, lay suwayan da ngakig si Pol. Dari yuk dangan ni seytan jom baran disu lalla, “Ni kawasa awon si Isa ma pinasaplag meꞌ si Pol, sohoꞌ ta na ko pōꞌ man jawom baran lalla tuu.”

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Suwat si Pol pa mman Baanan Sukuꞌ si Isa ndooy ni Rom 16:20

Luu du sina Tuhan, yana poonan kasannangan, tattap nabangan kaam nalloban Ibilis. Dambuli man inaa, kamura-murahan luu na pin aseꞌ-tabang Papuꞌ tabi si Isa Almasi njataꞌ bi.

Hibrani 2:14

Na sila ilay siꞌ ma bay awnan Almasi siga anak Tuhan yana manusiyaꞌ. Dari Almasi ilay bay du padari manusiyaꞌ supaya tapaglillaꞌ na baran na pinapatoy kalnaꞌ kitabi. Dari atas na bay matoy supaya talangkat na kawasa Ibilis njataꞌ tabi. Batan Ibilis ilay ndang man panagnaan lagi poonan kapatoy ni manusiyaꞌ.

Hibrani 7:1

Na si Melkisedek ilay yana sultan ndooy ni disu daira inawnan Salam mattoꞌ. Maka imam du ya man kahandak Tuhan Mahatinggi. Iya na silay bay nampang ga Nabi Ibrahim lān da moleꞌ bay maā siga sultan ka baanan sundalu da ni bonoꞌ mehe. Boꞌ iya gi man Nabi Ibrahim bay muwan sabahagiꞌ sapū ni mimon altaꞌ ma bay takoleꞌ na paddus bonoꞌ looy. Maka lay gi ya nupaatan Nabi Ibrahim. Na hatiyan awon Melkisedek ilay yana “sultan intong”. Maka ginalla du ya “Sultan Kasannangan” sabap awon daira na yana Salam, hatiyan na kasannangan.

Yaꞌkub 2:19

Maka baan ku ya, “Bong ina sat pitsayaꞌ, yaꞌ sukup. Pamikihan doꞌ paayad. Saꞌ ba, pitsayaꞌ ko disu du Tuhan? Mahap sina. Sugaꞌ minsan ina siga seytan, pitsayaꞌ du meꞌ looy sampay mipig na sila ni katawu da minulkaan bbos-bbos.”

2 Pitel 2:4

Tattap jaꞌ sina sila minulkaan. Mindoga jaꞌ kam ni palas siga malaikat ma bay buwat dusa mattoꞌ. Yaꞌ du sila bay pinabiya meꞌ Tuhan amu-amu buwat dusa. Sangkon lay na sila tinahan pa njawom lowang tangob ngkod-ngkoran yaꞌ gi taabut llaw hukuman bbos-bbos.

1 Yahiya 3:8

Sugaꞌ sagannap ma amu-amu buwat dusa, tumatandaꞌ anak Ibilis sila. Kon sila taawnan anak Ibilis batan Ibilis ndang nabiat buwat dusa labba man awwal tagnaꞌ lagi. Lipara bay na pinapitu Anak Tuhan pa junyaꞌ ngalangkat kawasa Ibilis ma moo-moo manusiyaꞌ buwat dusa.

Suwat Lakka man si Jūd 1:6

Maka pamintangan bi na siga malaikat mattoꞌ ma bay ngalabbahan ntan da sampay ngambanan paglahat ma bay sinukuꞌ ninsila ndooy ni sulgaꞌ. Pagka sila yaꞌ bay mean kahandak Tuhan, lay du sila tinalungkuꞌ njawom tahanan lindom, boꞌ bay gi pinusas ka karina ma yaꞌ tapaddusan. Maka ndooy na jaꞌ sila halloman yaꞌ gi takka llaw hukuman Tuhan.

Siga Pakaradjaan bay Pinalahil 12:12

Maka halling suwara looy lagi, “Na kaam ma luu na ntuu ni sulgaꞌ, subay kam gāk banahan sabap lai na Ibilis pinōꞌ mantuu. Sugaꞌ kaluuy-luuy kam nnaa taꞌ junyaꞌ, pa dile pa dilawut, batan luu na Ibilis bay duwai pilu pa mman bi. Biddaꞌ na sina lasu na batan katoonan na dangkitiꞌ sa masa man na madara maksud na.”