Malkus 5:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ sambayan na maku junjung niiya, yuk na, “Tuwan, luu la anak ku magkamatoy-matoy na, boꞌ isu-isu du silay anak ku danda. Bong siꞌ kadarihan ningkau, mmeꞌ doꞌ ko niyaku boꞌ tappakun doꞌ bumbunan na mari kaulian.”

Malkus 5:23 ပူးပေါင်းရင်းမြစ်များ

Matiyu 8:3

Pag-anu siꞌ, lay tappak si Isa bumbunan na sambayan na halling, “Kuhi ku ba. Kaulian na sina ko.” Dari siꞌ, sarunduun du lanyap ipu na.

Malkus 16:18

Maka san ina mintu sila bay kapūt sō atawa pun lay kainum latsun, yaꞌ du sina sila kongoy-kongoy. Maka bong sila bay nappak ga baran jama sakihan, kaulian jaꞌ sina meꞌ da.”

Malkus 5:24

Dari lay du mmeꞌ si Isa. Kuwan ga jama ndooy siꞌ tu, tud meka patuhut sampay magdogsog-dogsog na ga.

Malkus 6:13

Lay gi sila malakka jinisan seytan man jawom baran jama. Maka meka gi jama sakihan lay na du kaulian meꞌ da pag lay jaꞌ puusan da bumbunan da ka insallan.

Malkus 7:32

Ndooy siꞌ, luu lalla bisu maka yaꞌ tattas bitsala na bay binoo pa mman si Isa. Dari lay sila maku junjung ni si Isa nohoꞌ nappak bumbunan lalla looy mari kaulian.

Malkus 8:23

Sugaꞌ lay doꞌ tondaꞌ si Isa lalla looy man tangan binoo palawak-lawak man kalumaan ndooy. Tā-tā jaꞌ siꞌ sila, ilooy ma lay luraan si Isa mata lalla looy. Pag-anu, boꞌ tinappak meꞌ na. Tilaw na ni lalla looy, “Ngita na ko?”

Lukas 4:38

Na pag lakka ga si Isa man langga looy, lay sila pilay pa lumaꞌ si Saymon. Pag asok da, luu ndooy matoa si Saymon ma danda biddaꞌ na basag lammun na. Dari lay sila maku tulung ni si Isa nohoꞌ ngulian iya.

Lukas 4:40

Na tapit jaꞌ siꞌ sumaddop llaw, meka na jama lay moo pagkahi da ma sakihan pilay pa mman si Isa. Dari san gi oy saki da, pag lay jaꞌ tinappak meꞌ si Isa bumbunan da saliꞌ-saliꞌ, lay du sila kaulian labbasakayi.

Lukas 7:12

Tapit jaꞌ siꞌ sila pa behe lawang kutaꞌ ma ngaliput daira looy, lay sila sitammu ka baanan jama pōꞌ man daira looy nuhiyan mayat pa kubu. Mayat looy ilay yana disu lalla anak tungga, boꞌ bawu lagi nneꞌ na. Maka meka du jama daira looy bay mmeꞌ ni bawu looy nuhi sasang na patuhut ni pangkaꞌ anak na.

Yahiya 11:3

lay ga danganakan na nugun pa mman Papuꞌ Isa nohoꞌ binaan saki paya bagay na ma kinaasean meꞌ na.

Salsila siga Rasul 28:8

Ni waktu looy siꞌ, kuwan mmaꞌ si Publiyus lammunan boꞌ sungiꞌ-sungiꞌ lagi. Pabāk na jaꞌ ya taꞌ patulihan na. Dari lay doꞌ si Pol pa mman na makuhan iya duwaa sambayan na nappak bumbunan na sampay lay du magti kaulian.

Salsila siga Rasul 6:6

Pag lupus, lay na sila binoo pa awpan siga rasul. Ndooy siꞌ, lay sila pinakuhan meꞌ siga rasul duwaa sampay lay na tinappak bumbunan da tandaꞌ lay na sila binuwanan kapatut buwat ilooy ma bay sinukuꞌ ninsila.

Salsila siga Rasul 8:17

Dari pag lay jaꞌ si Pitel ka si Yahiya nappak bumbunan da, lai na du sila inasok meꞌ Rū Sutsiꞌ.

Salsila siga Rasul 9:12

Ndang lay na du silay ya pinakitahan pandapat. Njawom pandapat na, lay ko takita na paasok pa lumaꞌ mman na, boꞌ lay gi tappak nu bumbunan na supaya ngita na ya pabalik.”

Salsila siga Rasul 9:17

Pus meꞌ looy, lay na pilay si Ananiyas pa lumaꞌ mman si Sol. Pag asok na, tinappak na meꞌ na bumbunan si Sol sambayan na halling, “Sol, mbuwaꞌ danganakan, aku itu pitu man panohoan Papuꞌ Isa ma bay patammu ningkau lān nu bay song pitu. Kon ku itu bay sinohoꞌ pitu supaya ngita na ko pabalik sampay inassob na meꞌ Rū Sutsiꞌ.”