Malkus 5:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Yaꞌ hallom, takka na baw disu pa-mmean langga inawnan si Jayrus. Takita na jaꞌ si Isa, ilooy ma lay ya magti sujud ni awpan na

Malkus 5:22 ပူးပေါင်းရင်းမြစ်များ

Matiyu 2:11

Pag-anu, lay na sila paasok pa jawom lumaꞌ looy. Pag takita da jaꞌ siꞌ anak-anak looy maka nneꞌ na si Mariyam, lay na sila sujud sampay numba anak-anak looy. Pag lupus, inungkad na meꞌ da bay boonan da barang hagaan, boꞌ lay pinamuwan anak-anak looy. Ga barang looy siꞌ yana mmas, bbūg ka insallan hamut inawnan mira.

Malkus 5:33

Kuwan danda looy siꞌ tu, pagka katoonan na lay na ya kaulian, ilooy ma pasōng na ya sujud ni awpan si Isa mipig na ni katawu na. Maka lay na ya magsabanna iya bay murut.

Malkus 5:38

Takka jaꞌ siꞌ sila pa lumaꞌ si Jayrus, takita da na jama maghiposan nangis sampay killahap mag-ulawi.

Lukas 13:14

Sugaꞌ kuwan pa-mmean langga looy baw siꞌ tu, lasu sabap si Isa bay nguliꞌ ni Llaw Pahali. Dari yuk pa-mmean looy ni siga jamaa ndooy, “Njawom sakayi pituꞌ luu nnom ngallaw halliꞌ man buwat. Maka njawom nnom ngallaw looy dari na san jama pitu nohoꞌ inulian. Daa jaꞌ sasang Llaw Pahali!”

Lukas 5:8

Pag ndaꞌ si Saymon Pitel ka ga soheꞌ na biddaꞌ na eka daying bay takoleꞌ da, tud bay haylan sila. Sampay siga soheꞌ si Saymon ni bagung looy disu, yana si Yaꞌkub ka si Yahiya, ga anak si Sibidi, tud bay du haylan. Pag tabista si Saymon meꞌ looy na kawasa-kapatut si Isa, ilooy ma lay ya nangge ka tuut na ni awpan na sambayan na halling, “Papuꞌ, san bitu ku mbanan nu na. Yaꞌ san ku pataꞌ dambuwaꞌ ka kau batan aku itu baldusa.” Pag-anu, yuk si Isa ni si Saymon, “Daa ko ba tawu. Labba man batnaa, manusiyaꞌ na sina pinukut meꞌ nu.”

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”

Salsila siga Rasul 13:15

Pag-anu, luu lalla bay matsahan siga jamaa ndooy kasohean man saraꞌ Nabi Musa ka kasohean man kitab kanabi-nabihan. Pag-lupus, kuwan siga pa-mmean ni langga looy, lay nohoꞌ disu jama mahati ni ga si Pol, yuk na, “Kaam, pagkahi kami Yahudi, bong luu umanat bi gantaꞌ kapataggu na pin iman ga jamaa ntuu, bong anu, pakalehan bi doꞌ kami.”

Salsila siga Rasul 18:17

Na kuwan siga bangsa Greek siꞌ tu ma ndang lundooy maiman, lay na labuꞌ duga da pa jataꞌ si Sostinis, disu pa-mmean langga Yahudi. Dari lay ya hinelaꞌ-helaꞌ meꞌ da sampay lay gi sinuntuk njawom lumaꞌ hukum. Sugaꞌ yaꞌ na du san bay pinaruli meꞌ Gubnul Galliyo.

Salsila siga Rasul 18:8

Pag-anu, yaꞌ hallom, kuwan pa-mmean langga looy, yana si Kirispus, lay na du mmeꞌ pitsayaꞌ ni si Isa sampay na mimon jama lumaꞌ da. Maka meka na jama ni Korin ma bay kale umanat si Pol lay na du pitsayaꞌ ni si Isa sampay lay na pinandi.

Siga Pakaradjaan bay Pinalahil 22:8

Na ilooy ilay siꞌ mimon ma bay tuntut ku, aku na mismu, yana si Yahiya, bay kale sampay bay ngita. Pus ku bay pinakitahan mimon pakaradjaan looy siꞌ meꞌ malaikat looy, ilooy ma magti ku sujud numba ni battis na.