Malkus 5:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Dari siꞌ, bbuwatan siga seytan njawom baran lalla looy siꞌ nganjunjung ni si Isa, yuk da, “Bong dari ningkau, pasayin na jaꞌ kami pa jawom baran baanan bawi looy.”

Malkus 5:12 ပူးပေါင်းရင်းမြစ်များ

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 7:6

Yuk si Isa lagi, “Daa pasensengan bi waktu bi masaplag umanat Tuhan ni jama ma amu-amu madiyoꞌ kabanahan. Batan bong ina kam amu-amu mitsala lagi, sibuꞌ du karuha bi ka nongan bbuwatan sutsiꞌ ni siga idoꞌ. Atawa sibuꞌ du kam ka nongan siga mutsaꞌ bi ni siga bawi. Yaꞌ du sina kaddoꞌ da, gam pin giniok-giok gi. Boꞌ na, kineket gi kam.

Malkus 5:11

Na ndooy siꞌ, luu baanan bawi inipat magkakanan ni tabbis punu.

Malkus 5:13

Dari lay na sila nduwan sampay lay na du sila pōꞌ, boꞌ da paasok pa jawom baanan bawi looy. Pag-anu siꞌ, ilooy ma magti magsonsehan baanan ga bawi looy palūd pa jawom danaw sampay lay na katis limbo. Eka bawi looy siꞌ, luu ga duwa libu.

2 Korin 2:11

supaya kitabi yaꞌ tumandiyoꞌ meꞌ Ibilis. Batan katoonan tabi na du angan-angan Ibilis ngalangkat pagkatibuuk tabi.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.