Malkus 4:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Tuktuk na noan sila, wā ya ngandalil. Sugaꞌ pag taabut sila-sila sa ka ga mulit na, lay du passaꞌ na kamaatunan siga dalil looy labbasakayi.

Malkus 4:34 ပူးပေါင်းရင်းမြစ်များ

Matiyu 13:34

Na siga dalil meꞌ looy ilay siꞌ, meka bay pinōꞌ meꞌ si Isa man noan baanan jama ndooy. Tuktuk na noan sila, wā ya ngandalil.

Malkus 4:10

Pag lay jaꞌ moleꞌ ga baanan jama looy siꞌ, ilooy sa tamban ni si Isa yana ga rasul na sikasapu-duwa ka siga mulit na kasohean. Pag-anu siꞌ, tinilaw na baw ya meꞌ da bong oy kamaatunan dalil looy siꞌ.

Malkus 4:33

Sarī man ga ilooy siꞌ, meka gi dalil man si Isa bay masaplag umanat Tuhan ni baanan jama ndooy, gantaꞌ ma takaya pangahati da.

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Yahiya 10:6

Na kuwan siga jama ndooy baw siꞌ tu, yaꞌ du bay takoleꞌ da kamaatunan bitsala si Isa.

Yahiya 16:25

Maka yuk si Isa, “Ni bay tōꞌ ku ningkaam, min meka ku bay ngandalil. Sugaꞌ luu du sina mintu waktu yaꞌ na ku ngandalil. Bitsala biyasa na jaꞌ pakoy ku man ku mahatiyan kaam pasal Mmaꞌ ku.

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.