Malkus 4:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ njataꞌ da sabap meꞌ da pitsayaꞌ ni umanat Tuhan, siglaꞌ du sila patatak.

Malkus 4:17 ပူးပေါင်းရင်းမြစ်များ

Matiyu 11:6

Maka baan bi ya, njawom supaat sina soysoy yaꞌ paalang pitsayaꞌ niyaku.”

Matiyu 12:31

“Baan ta kam banahan, san gi sina oy dusa manusiyaꞌ sampay bitsala da pangka pa Tuhan, dari gi pinuwasan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan.

Matiyu 13:21

Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ njataꞌ da sabap meꞌ da pitsayaꞌ ni umanat Tuhan, siglaꞌ du sila patatak.

Malkus 4:16

“Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da.

Malkus 4:18

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ,

Lukas 12:10

“Soysoy ina malaat aku, yana Anak Manusiyaꞌ, taampun gi du. Sugaꞌ soysoy ina malaat pabuwatan Rū Sutsiꞌ, yaꞌ na sina ya inampun.

Yahiya 8:31

Pag-anu, yuk si Isa ni siga Yahudi ndooy ma pitsayaꞌ niiya, “Bong ina kam tattap mmeꞌ ni tōꞌ ku, malaingkan kaam na mulit ku sabanna

Galatiya 6:12

INDANAN BI, SAGANNAP MA MOGOS KAAM NOHOꞌ INISLAM, INAA DU INA PUHUNG DA SINANGLITAN SABAP MEꞌ DA MOGBOGAN SARAꞌ. YAꞌ SILA DOMAN MANGAKU ISU-ISU KAPATOY SI ISA ALMASI TAꞌ TEHANG YANA JALAN MAN JAMA INITUNG INTONG. ILOOY ILAGAN DA, TAGGAHAꞌ NILAUGAN NA BAW SILA MEꞌ SIGA PAGKAHI DA YAHUDI.

2 Timuti 1:15

Na ndooy ilay ni Asiya, katoonan nu na du, adak katis na mimon danganakan ta nikutan aku. Sampay ga si Pijilus ka si Helmojinis, lai na du.

2 Timuti 4:10

Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.

2 Timuti 4:16

Ni kapasal palkalaꞌ ku ntuu, sibuwa ku bay sinumariya meꞌ huwis, yaꞌ luu san disu danganakan ta bay pasabu nanggehan aku. Lay jaꞌ ku pabiya da dangan-dangan ku. Sugaꞌ kamura-murahan inampun du sila meꞌ Tuhan.

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

1 Yahiya 2:19

Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.