Malkus 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Yuk si Isa ninsila, “Ohoꞌ, baan ta sa kam, batan ndang bay sina sinukuꞌ ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngandalil jaꞌ ku man ku noan sila.

Malkus 4:11 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 13:16

Pag-anu, yuk si Isa lagi ni ga mulit na, “Boꞌ kaam ina, njawom supaat kam sabap tahati bi inaa ma takale bi maka takita bi.

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Malkus 3:23

Dari ilooy ma lay sila linganan si Isa pa bihing na boꞌ na muwanan sila pamintangan, yuk na, “Pooy lay la meꞌ na sikatuwaꞌ Belsibul malakka pagkahi na seytan?

Malkus 4:10

Pag lay jaꞌ moleꞌ ga baanan jama looy siꞌ, ilooy sa tamban ni si Isa yana ga rasul na sikasapu-duwa ka siga mulit na kasohean. Pag-anu siꞌ, tinilaw na baw ya meꞌ da bong oy kamaatunan dalil looy siꞌ.

Malkus 4:2

Iya siꞌ bay nōꞌ, meka dalil bay pakoy na. Disu meꞌ tuu, yuk na,

Lukas 8:10

Pag tampung si Isa, “Kaam, siga mulit ku, ndang sinukuꞌ sina ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngkod ngandalil jaꞌ ku man ku noan sila. Kon ku buwat meꞌ looy supaya san sila ngita, sibuꞌ du sila ka yaꞌ ngita. Maka san sila kale, yaꞌ du sila kahati.

1 Korin 4:7

Kaam ina nnaa ma tigiꞌ nilang jama, kanna bi mareꞌ luu kam patingkat man pagkahi bi. Tilaw ta teꞌ kam, luu kina kapandoyan bi ma saꞌ lakka man Tuhan? Na pagka yaꞌ luu, ongoy taggahaꞌ subay na pin kam ngabbu saula-ula kapandoyan bi lakka man dī bi?

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Epesus 1:9

Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

Kolossa 4:5

Na bila kam maglaw-lamud ka jama ma yaꞌ pitsayaꞌ ni Papuꞌ Isa, amay-amay buwat kam suntuan ayad. Bong luu dapat bi, pahampitan bi sila kabanahan pasal si Isa Almasi padpad luu gi waktu.

1 Tesaloneka 4:12

Dari bong siꞌ tu bean bi jaꞌ palbiatan tuu siꞌ, yaꞌ luu meꞌ bi diyoꞌ ni mata jama ma yaꞌ pitsayaꞌ ni si Isa. Maka san kam yaꞌ na ngaholat binalanjaan meꞌ jama.

1 Timuti 3:7

Maka soysoy magpa-mmean, subay du mahap kawul-piil na sampay ni bandingan jama ma saꞌ sukuꞌ Papuꞌ Isa. Meꞌ naa ina, yaꞌ na luu man na tabitsala pa kalaatan sampay yaꞌ na luu lawang man na tadallot leꞌ Ibilis.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.