Malkus 3:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Pag ndaꞌ si Isa paeka na pin jama ndooy, lay ya nohoꞌ pinatapitan bagung ni mulit na man na dutai, taggahaꞌ tadogsog na baw ya meꞌ baanan jama.

Malkus 3:9 ပူးပေါင်းရင်းမြစ်များ

Matiyu 15:39

Pag-anu, lay na pinapoleꞌ meꞌ si Isa baanan jama looy mimon, boꞌ na dutai taꞌ kumpit ka ga mulit na palintas pa Magadan.

Malkus 4:1

Pag-anu, lay na baw balik si Isa nōꞌ ndooy ni bihing Danaw Jalil. Sugaꞌ pagka sakiyan na jama ngandogsog iya, lay ya dutai ningkōꞌ taꞌ bagung ma tapit pa bihing. Kuwan baanan ga jama looy siꞌ tu, lay na jaꞌ ndooy ni tapiyan pakale niiya.

Malkus 4:36

Dari lay du mbanan ga mulit na baanan jama ndooy sampay lay na sila mmeꞌ dutai pa taꞌ kumpit ma ndang man si Isa bay pauwan. Pag tuwak da, luu gi kasohean kumpit bay pahaboy ninsila.

Malkus 5:2

Pag duwai si Isa man taꞌ kumpit, luu na baw pasōng pa mman na disu lalla sineytan bay lakka man kakubuhan

Malkus 5:30

Kuwan si Isa baw siꞌ tu, takissa na na luu kawasa bay pōꞌ man jawom baran na. Dari lay ya pateleꞌ pa dambulihan ngandaꞌ ni baanan looy siꞌ sambayan na nilaw, yuk na, “Soy lay siꞌ bay murut juba ku?”

Malkus 6:32

Dari siꞌ, sila-sila du bay dutai taꞌ kumpit pilay pa lugar yaꞌ magjama.

Lukas 5:1

Na luu disu llaw, lay si Isa magnasihat ni bihing Danaw Genesaret. Manusiyaꞌ siꞌ tu, magdogsog-dogsog na bong pin kapatapit jaꞌ niiya mari mahap meꞌ da kale umanat Tuhan.

Lukas 5:3

Disu bagung, si Saymon dapu. Dari lay dutai si Isa taꞌ bagung looy boꞌ sohoꞌ na sinugan ni si Saymon dangkitiꞌ man bihing. Pag-anu, lay na ya ningkōꞌ ndooy magnasihat ni baanan jama ni tapiyan.

Yahiya 6:15

Pag tabista si Isa luu niyat ga baanan looy ngalogos iya binuwat sultan da, lay ya magti lakka, boꞌ na lay pa dambilaꞌ punu looy dangan-dangan na.