Malkus 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ man Jerusalem, man Idumeya, sampay man dambilaꞌ Sōng Juldan. Minsan jama man tagan siga daira Tayil ka Saydon, luu na du bay bahuklud pilay. Kon da bay pilay pa mman na sabap lay taaka da siga pakaradjaan kahaylan-haylan bay pabuwat na.

Malkus 3:8 ပူးပေါင်းရင်းမြစ်များ

Matiyu 11:21

yuk na, “Kaam, jama man Korasin ka Betsayda, tud siya-siya kam. San meka na sipat kawasa Tuhan bay pakitahan ku kaam, yaꞌ du kam bay kuhi nawbat. Bong siꞌ ilay ndang bay na pinakitahan ni jama Tayil ka Saydon mattoꞌ, hallom na sila bay nawbat. Ndang lay na silay sila matuk karut kasap sampay ngannaan kōk da abu tandaꞌ da sasso ni bay dusa da.

Matiyu 4:25

Dari yaꞌ hallom, luu na patuhut niiya sakiyan jama lakka man Jalil, man Dekapolis, man Jerusalem ka sikaliput Yahudiya, sampay man siga lahat ndooy ni dambilaꞌ Sōng Juldan.

Malkus 7:24

Pag-anu, lay na baw ga si Isa lakka man Jalil song pilay pa disu lahat tapit pa daira Tayil. Takka ndooy siꞌ, lay doꞌ sila pahantiꞌ ni disu lumaꞌ. Na si Isa siꞌ tu, kainagon na, yaꞌ ya tasayu ga luu na ya ndooy. Sugaꞌ san meꞌ looy, masi du bay taaka jama.

Malkus 7:31

Na pag lakka ga si Isa man tagan Tayil, lay sila pingkaꞌ man jawom daira Saydon sampay lay na sila nakka Danaw Jalil ndooy ni Dekapolis.

Lukas 6:17

Pag lupus, lay na ga si Isa ka ga rasul na palūd. Pag takka da ni kapantayan, meka na mulit na bay nampang iya ndooy. Maka luu na du ndooy sakiyan jama lakka man sikaliput Yahudiya ka Jerusalem. Maka luu du jama man Tayil ka Saydon, yana duwa daira ndooy ni bihing tapiyan.