Malkus 3:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Luu gi si Andru, si Pilip, si Baltolome, si Matiyu, si Tomas maka si Yaꞌkub, yana anak si Alpiyus. Pasunuꞌ si Tadiyus, si Saymon ma bay pingkaꞌ ngatuhan parinta Rom,

Malkus 3:18 ပူးပေါင်းရင်းမြစ်များ

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 9:9

Pag lakka si Isa mandooy, lay ya ngita disu tukang ninga sukay ningkōꞌ ni upis na, awon na si Matiyu. Yuk si Isa niiya, “Tu ko. Mmeꞌ na ko niyaku.” Dari siꞌ, nangge na ya sampay lay na mmeꞌ ni si Isa.

Malkus 2:14

Pag lakka si Isa mandooy, sasang na lumān, lay ya ngita disu tukang ninga sukay ningkōꞌ ni upis na. Awon na si Libay, anak si Alpiyus. Yuk si Isa niiya, “Tu ko. Mmeꞌ na ko niyaku.” Dari siꞌ, nangge na ya sampay lay na mmeꞌ ni si Isa.

Malkus 3:17

Pasunuꞌ si Yaꞌkub ka si Yahiya, siga anak si Sibidi. (Meꞌ si Isa ngandē sila, Bowaneljes. Hatiyan na, siga anak guntu.)

Malkus 3:19

ka si Judas Iskariyut ma bay muwan tipu-akka njataꞌ si Isa song hallom.

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Yahiya 1:40

Na awon disu ninsila ma bay patuhut ni si Isa yana si Andru, danganakan si Saymon Pitel.

Yahiya 11:16

Pag-anu siꞌ, yuk si Tomas ma pinagdē si Kamba ni siga pagkahi na mulit, “Sūng bi na ba. Bong hati ya pinapatoy, basta paunung na kitabi matoy.”

Yahiya 14:22

Pag-anu, tilaw si Judas (saꞌ baw si Judas Iskariyut), yuk na, “Papuꞌ, ongoy lay ningkami jaꞌ man nu malahil dī nu, bong ni jama niyaꞌ?”

Yahiya 21:2

Ndooy siꞌ, luu ga si Saymon Pitel ka ga si Tomas ma pinagdē si Kamba, ka si Natanyel, lalla man Kana ndooy ni Jalil. Maka luu gi siga anak si Sibidi ka luu gi duwa pagkahi da mulit.

Salsila siga Rasul 1:13

Siga rasul looy ilay siꞌ yana ga si Pitel, si Yahiya, si Yaꞌkub, si Andru, si Pilip, si Tomas, si Baltolome, si Matiyu, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom, maka si Judas yana anak si Yaꞌkub. Takka jaꞌ siꞌ sila pa Jerusalem, lay sila dutai pa jawom bilik luha ni kaduwa pangkat lumaꞌ man da tamban.

Salsila siga Rasul 15:13

Pus meꞌ looy, pasīng na baw si Yaꞌkub mitsala, yuk na, “Siga danganakan, pakalehun bi doꞌ ku.

Salsila siga Rasul 21:18

Pag meꞌ sumawung, lay na baw kami mmeꞌ ni si Pol ngandaꞌ-ngandaꞌ si Yaꞌkub. Pag ndaꞌ kami, mimon pa-mmean sukuꞌ si Isa ndooy ni Jerusalem luu na du bay kumpo ndooy.

1 Korin 15:7

Pag-anu, lay na baw ya patammu ni si Yaꞌkub, boꞌ na patammu pabalik ni siga rasul na sikamimon.

1 Korin 9:5

Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.

Galatiya 1:19

Boꞌ sasang ku ilay siꞌ ndooy, yaꞌ san ku bay sitammu ka siga rasul si Isa kasohean sarī man si Yaꞌkub, yana danganakan Papuꞌ Isa.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

Yaꞌkub 1:1

Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.