Malkus 3:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pasunuꞌ si Yaꞌkub ka si Yahiya, siga anak si Sibidi. (Meꞌ si Isa ngandē sila, Bowaneljes. Hatiyan na, siga anak guntu.)

Malkus 3:17 ပူးပေါင်းရင်းမြစ်များ

Matiyu 4:21

Pag lanja ga si Isa, luu na baw takita na duwa lalla magdanganakan du inawnan si Yaꞌkub maka si Yahiya, ga anak si Sibidi. Bbuwatan da munaan pukut da taꞌ kumpit da ka mmaꞌ da. Pag-anu siꞌ, lay du sila linganan si Isa nohoꞌ mmeꞌ niiya.

Malkus 10:35

Pag-anu siꞌ, pasōng na baw si Yaꞌkub ka si Yahiya, ga anak si Sibidi, pa mman si Isa, boꞌ da halling, “Tuwan Guru, luu bitu siꞌ paku kami ningkau. Bong siꞌ ko kuhi, duwanun doꞌ kami.”

Malkus 14:33

Sugaꞌ lay gi baw boo na ga si Pitel, si Yaꞌkub, ka si Yahiya. Pag-anu, takkahan susa na si Isa maka yaꞌ na katoon-toonan na parasahan na.

Malkus 3:16

Na ga ilooy siꞌ sikasapu-duwa bay peneꞌ na, yana ga si Saymon ma bay awnan na si Pitel.

Malkus 3:18

Luu gi si Andru, si Pilip, si Baltolome, si Matiyu, si Tomas maka si Yaꞌkub, yana anak si Alpiyus. Pasunuꞌ si Tadiyus, si Saymon ma bay pingkaꞌ ngatuhan parinta Rom,

Malkus 5:37

Pag-anu, ilooy ma lay jaꞌ sohoꞌ si Isa baanan ga jama looy tamban ndooy. Kuwan sila ka si Jayrus lay na palanja. Ilooy du bay boo da si Pitel maka ilooy ma duwa magdanganakan yana si Yaꞌkub ka si Yahiya.

Malkus 9:2

Na luu jaꞌ siꞌ nnom ngallaw bay pingkaꞌ, lay na baw boo si Isa ga si Pitel, si Yaꞌkub ka si Yahiya pa taꞌ punu langkaw, sila-sila jaꞌ. Lay jaꞌ siꞌ sila ndooy, halin na bantuk si Isa ni pag-awpan da.

Lukas 9:54

Pag taaka si Yaꞌkub ka si Yahiya tinuwak sila meꞌ jama kawum looy, yuk da ni si Isa, “Bong ko doman Tuwan, maku doꞌ kami tabang pa Tuhan mari ya ngalabuan sila api man taꞌ langit boꞌ da tutung sampay hansu.”

Yahiya 21:2

Ndooy siꞌ, luu ga si Saymon Pitel ka ga si Tomas ma pinagdē si Kamba, ka si Natanyel, lalla man Kana ndooy ni Jalil. Maka luu gi siga anak si Sibidi ka luu gi duwa pagkahi da mulit.

Salsila siga Rasul 12:1

Na jaman looy siꞌ, Sultan Herod Agripa na baw nagnaꞌ ngalaugan kasohean ma mmeꞌ ni si Isa.

Hibrani 4:12

Na palman Tuhan ina kawasahan boꞌ kabuwan gi kaallum bahau. Dari ko ngawon, palman na tawom gi man kataliꞌ batan ngassob sina pa jawom atay tabi sampay pa nyawa tabi. Maka palman na ina, inaa na man tabi mindoga bong mahap atawa maat pamiki tabi ka niyat atay tabi.

Siga Pakaradjaan bay Pinalahil 10:11

Pus meꞌ looy, luu suwara mitsala niyaku, yuk na, “Luu gi sina pinalahil ningkau umanat Tuhan pasal pakaradjaan ma song pinatakka ni kabangsa-bangsahan sampay ga sultan da, kaniya-kaniya ka jinisan pallun da. Amay-amay subay ko mahati ni manusiyaꞌ ilooy ma bay pinalahil ningkau.”