Malkus 3:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Maka tuktuk na takita meꞌ siga jama sineytan, magti sila pahantak ni awpan na sambayan da ngahowap, yuk da, “Kau ina Anak Tuhan!”

Malkus 3:11 ပူးပေါင်းရင်းမြစ်များ

Matiyu 14:33

Pag-anu, ilooy ma lay si Isa sinumba meꞌ siga mulit na, yuk da, “Tud bana-bana du kau Anak Tuhan.”

Matiyu 4:3

Pag-anu siꞌ, takka na baw Ibilis, yana tukang nasat. Yuk na ni si Isa, “Bong ko bana-bana Anak Tuhan, sōn teꞌ padari tinapay ga batu naa mari luu na kakan nu.”

Matiyu 4:6

Yuk Ibilis niiya, “Bong ko bana-bana Anak Tuhan, kupa teꞌ ko pa diyoꞌ. Ndang-ndang yaꞌ du sina ko kongoy-kongoy, batan saꞌ ba, luu du bay sinuwatan njawom kitab, ‘Sohoꞌ Tuhan sa siga malaikat na nayak kau supaya yaꞌ san sumantuk battis nu ni batu.’ ”

Matiyu 8:29

Pag takita da si Isa, lay hinowapan meꞌ da, yuk da, “Ū Anak Tuhan, manggoy ina ko luꞌ pitu? Batōy nu kami? Pidjalaꞌ nu na kina kami san yaꞌ gi ngabut waktu bay ginantaꞌ meꞌ Tuhan ningkami?”

Matiyu 8:31

Dari siꞌ, bbuwatan siga seytan njawom ga baran lalla looy siꞌ nganjunjung ni si Isa, yuk da, “Bong kami palakka nu, pasaynun na jaꞌ kami pa jawom baanan bawi looy.”

Malkus 1:1

Ituu tu umanat mahap pasal si Isa Almasi, yana Anak Tuhan. Duhuꞌ-duhuꞌ,

Lukas 4:41

Kasohean jama ndooy sineytan. Sugaꞌ paddus na pin si Isa nohoꞌ siga seytan da pōꞌ, magti du sila lakka man jawom baran ga jama looy. Pag pōꞌ da, kakillahapan howap, yuk da, “Kau ina Anak Tuhan!” Sugaꞌ lay sila sinaggong meꞌ si Isa yaꞌ nohoꞌ mitsala. San katoonan da iya na Almasi ma bay njanjiꞌ meꞌ Tuhan, yaꞌ baw ya doman pinamāꞌ meꞌ da bong soy ya.

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”

Salsila siga Rasul 16:17

Na ni llaw looy du siꞌ, lay patuhut danda looy ningkami. Bbuwatan na ngahowap, yuk na, “Ga lalla naa ina yana ata Tuhan Mahatinggi! Buwatan da ina masaplag jalan man bi salamat.”

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

Yaꞌkub 2:19

Maka baan ku ya, “Bong ina sat pitsayaꞌ, yaꞌ sukup. Pamikihan doꞌ paayad. Saꞌ ba, pitsayaꞌ ko disu du Tuhan? Mahap sina. Sugaꞌ minsan ina siga seytan, pitsayaꞌ du meꞌ looy sampay mipig na sila ni katawu da minulkaan bbos-bbos.”