Malkus 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Nges, puwas na sina dusa nu labbasakayi.”

Malkus 2:5 ပူးပေါင်းရင်းမြစ်များ

Panagnaan 22:12

Yuk malaikat looy, “Daa na papatoyun anak-anak naa. Batnaa tumatandaꞌ na niyaku tawu du ko pa Tuhan, batan sampay anak tungga nu atas bay pinaglillaꞌ meꞌ nu bong pin taasip nu jaꞌ panohoan Tuhan.”

Matiyu 9:2

Pag-anu, luu na baw lalla matoy baran na lay llanggung ka patulihan na pa mman si Isa. Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Daa ko susa Nges, puwas na sina dusa nu labbasakayi.”

Matiyu 9:22

Pag-anu, pateleꞌ na si Isa. Pag lay jaꞌ takita na danda looy, yuk na, “Daa na ko ba Nang susa. Kaulian na sina ko sabapan pangando nu.” Dari magti du lay koleꞌ danda looy.

Matiyu 9:5

Sugaꞌ subay siꞌ tabista bi pagka luu kawasa-kapatut ku ngulian jama, mastiꞌ luu du kawasa-kapatut ku muwasan dusa.

Malkus 2:6

Pag lay jaꞌ takale bitsala na meꞌ siga guru saraꞌ agama ma ningkōꞌ ndooy, honaꞌ-honaꞌ da,

Malkus 5:34

Dari yuk si Isa ni danda looy, “Nang, ilooy ilay siꞌ man nu lay na kasay sabapan pangando nu. San ko moleꞌ na. Pasannangun na atay nu. Lay na du lakka saki nu.”

Lukas 5:20

Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Nges, puwas na sina dusa nu labbasakayi.”

Lukas 8:48

Dari yuk si Isa niiya, “Inaa ina siꞌ Nang man nu bay kaulian sabap pitsayaꞌ ko niyaku. Batnaa san ko moleꞌ na. Maka pasannangun na atay nu.”

Yahiya 2:25

San yaꞌ na ya binaan pasal tabiat da batan ndang tasayu na du bong oy njawom atay manusiyaꞌ.

Yahiya 5:14

Yaꞌ gi san bay hallom, lay na baw takita si Isa lalla looy siꞌ ni langga mehe. Dari yuk si Isa niiya, “Ū Paꞌ, kasay na ko la! Sugaꞌ ilagan nu na dusa taggahaꞌ luu na baw mintu katuwaꞌ kau kamalasahiyan maat gi man maruhuꞌ.”

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 14:9

Iya ilay siꞌ luu na pin ndooy pakale ni umanat si Pol. Pag ndaꞌ si Pol pa mman na, tabistu na na lalla looy manganna taulian ya meꞌ Papuꞌ Isa.

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

1 Korin 11:30

Boꞌ inaa na sina ngkon kam meka nnaa saki ka kulang anggawtaꞌ sampay lay na ga matoy kasohean.

2 Korin 2:10

Dari batnaa tu, bong kam ngampun lalla looy, mastiꞌ ampun ku na du ya. Maka bong bistahan bi luu dusa na niyaku, ilu na Almasi pakale-kale, mastiꞌ ampun ku na du ya kalnaꞌ kaam,

Epesus 2:8

Ni kaehe aseꞌ Tuhan, lay na kitabi sinalamat meꞌ na sabap meꞌ tabi pitsayaꞌ ni Almasi. Sugaꞌ kasalamatan tabi ina, saꞌ ga tungbas ni bay hulas-sangsāꞌ tabi buwat mahap, arapun ladjikiꞌ man Tuhan.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

Yaꞌkub 5:15

Na bong ina tud mangando du siga pa-mmean bi pa Tuhan ngabbul duwaa da, malaingkan kaulian jaꞌ sina jama looy ma saki. Maka pinabalik na sina anggawtaꞌ na meꞌ Papuꞌ. Maka bong luu dusa na lay na akuhan na ni pag-awpan da, inampun na du sina ya meꞌ Papuꞌ.