Malkus 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Dari magti du nangge lalla looy boꞌ na mūt patulihan na sampay lay na pōꞌ ni pag-awpan da labbasakayi. Mimon siꞌ ndooy tud bay haylan sampay mudji na ga sila Tuhan, maka yuk da, “Yaꞌ gi kitabi la bay pingkaꞌ ngita meꞌ tuu!”

Malkus 2:12 ပူးပေါင်းရင်းမြစ်များ

Matiyu 12:23

Pag ndaꞌ siga baanan jama ndooy pabuwatan si Isa, ilooy ma tud inu-inu sila labbasakayi sampay yuk dangan-padangan, “Batiꞌ ta iya na panubuꞌ Sultan Daud ilooy ma bay njanjiꞌ meꞌ Tuhan pinapitu.”

Matiyu 15:31

Pag takita leꞌ baanan jama ndooy ga jama bay umaw kabitsala na, ma pengkol ka tongkaꞌ kapalān na paayad, maka jama buta ngita na, tud bay haylan sila. Dari lay na ga sila mudji Tuhan. Yuk da, “Pudji tabi Tuhan bangsa Israil.”

Matiyu 9:33

Dari siꞌ lay na pōꞌ si Isa seytan na sampay kabitsala na ga ya pabalik. Pag ndaꞌ siga baanan jama ndooy meꞌ looy, tud bay inu-inu sila sampay yuk da, “Uy la, halloman tabi llum, yaꞌ gi kitabi bay pingkaꞌ ngita meꞌ naa ntuu ni Israil.”

Matiyu 9:8

Pag takita leꞌ baanan jama lundooy, takkahan tawu na sila sampay mudji na ga sila Tuhan sabap meꞌ na bay muwanan manusiyaꞌ kapatut meꞌ looy siꞌ.

Malkus 1:27

Ni kahaylan ga jama ndooy, yuk da padangan-padangan, “Kapatut oy doꞌ ina meꞌ naa? Ilmuꞌ bahau na baw bitu pinōꞌ meꞌ na. Sampay siga seytan ngasip jaꞌ bong iya nohoꞌ!”

Malkus 2:11

“Nges, nangge na ko, boꞌ boonun na patulihan nu moleꞌ.”

Lukas 17:15

Kuwan disu ninsila, pag ndaꞌ na kaulian na ya, lay doꞌ magti pabeleng sambayan na sigi-sigi ngahowap muwan pudji pa Tuhan.

Lukas 5:26

Dari sikamimon siꞌ ndooy tud bay haylan sampay lay na ga sila mudji Tuhan. Maka yuk da, “Tud kainu-inu la siga pakaradjaan bay takita tabi llaw tuu.”

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 7:31

Sugaꞌ meka ndooy pitsayaꞌ niiya sampay yuk da, “Lalla looy baw bilay, pooy meꞌ na saꞌ Almasi? Yaꞌ bilay luu jama kapōꞌ siga pabuwatan kahaylan-haylan labi gi man niiya!”

Salsila siga Rasul 4:21

Kuwan siga pa-mmean looy baw siꞌ tu, amu-amu lagi nanggupan si Pitel ka si Yahiya. Sugaꞌ song hallom, lay du sila llabbahan. San sila doman midjalaꞌ ga si Pitel, hanggaw du sila, taggahaꞌ hiluhalaꞌ na baw baanan ga jama ndooy. Batan mimon jama ndooy muwan na pudji pa Tuhan sabapan pabuwatan kahaylan-haylan looy siꞌ bay tasakup da.