Malkus 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Luu jaꞌ siꞌ daka dangoy ngallaw bay pingkaꞌ, lay na baw si Isa pabeleng pa Kapelniyum. Pag taaka jaꞌ siꞌ meꞌ jama luu na ya ni lumaꞌ,

Malkus 2:1 ပူးပေါင်းရင်းမြစ်များ

Matiyu 4:13

Ndooy siꞌ, yaꞌ du ya bay humallom. Lay na baw ya maglayin pa Kapelniyum ndooy ni bihing Danaw Jalil ni lahat siga panubuꞌ ga si Zebulun ka si Naptali.

Matiyu 9:1

Pag-anu siꞌ, dutai na ga si Isa taꞌ kumpit, boꞌ da pabeleng pa kawum na ni dambilaꞌ danaw.

Malkus 1:45

Sugaꞌ pag lakka lalla looy baw siꞌ tu, gam pin nuntut na ya ni jama mimon bong pooy meꞌ na bay kaulian. Pag toklas na, yaꞌ na si Isa sumunsayaꞌ paasok pa jawom siga daira sabap liput na ya meꞌ siga baanan manusiyaꞌ magdogsog-dogsog na. Dari lay na ya kataddasan ndooy ni poan siga daira lawak man kalumaan. Sugaꞌ san meꞌ looy, song paeka na pin manusiyaꞌ lakka man sikaliput lahat looy pilay pa mman na.

Malkus 2:2

yaꞌ na baw taambat jama lay bahuklud pilay pa mman na. Yaꞌ hallom, pannoꞌ na lumaꞌ looy sampay yaꞌ na ga luu kapassut man behe lawang. Sasang si Isa njawom masaplag umanat Tuhan ninsila,

Malkus 3:20

Pag-anu, lay na baw si Isa ka ga rasul na pilay pa disu lumaꞌ man da pahantiꞌ. Ndooy siꞌ, meka na baw jama kumpo-kumpo pabalik sampay yaꞌ na san luu masa man ga si Isa kasakap mangan.

Malkus 7:17

Lay jaꞌ siꞌ lakka si Isa ka ga mulit na man baanan ga jama looy, lay sila paasok pa jawom lumaꞌ. Pag-anu siꞌ, ilooy ma tinilaw du ya meꞌ siga mulit na pasal bay tōꞌ na siꞌ.

Malkus 7:24

Pag-anu, lay na baw ga si Isa lakka man Jalil song pilay pa disu lahat tapit pa daira Tayil. Takka ndooy siꞌ, lay doꞌ sila pahantiꞌ ni disu lumaꞌ. Na si Isa siꞌ tu, kainagon na, yaꞌ ya tasayu ga luu na ya ndooy. Sugaꞌ san meꞌ looy, masi du bay taaka jama.

Malkus 9:28

Paddus meꞌ looy, lay na ga si Isa moleꞌ. Pag taabut sila-sila sa njawom lumaꞌ, tilaw ga mulit na niiya, “Ongoy lay la yaꞌ siꞌ bay tapōꞌ kami seytan anak-anak looy?”

Lukas 4:23

Pag-anu, yuk si Isa ninsila, “Tatantu ku yuk bi ina mintu niyaku, ‘Bong ko bana-bana panganguliꞌ, subay du ulian nu jama ntuu ni kawum nu mismu meꞌ karuha taaka kami bay pabuwat nu ndooy ni Kapelniyum.’

Lukas 5:18

Dari luu na baw jama takka ngalanggung disu lalla matoy baran na ddas ka patulihan na. Kainagon da ta-nnaꞌ da na ni awpan si Isa nohoꞌ inulian,

Yahiya 4:47

Pag taaka pa-mmean looy siꞌ luu na si Isa bay moleꞌ pa Jalil lakka man Yahudiya, lay du ya pa mman si Isa nganjunjung nohoꞌ mmeꞌ niiya pa Kapelniyum ngulian anak na magkamatoy-matoy na.

Salsila siga Rasul 2:6

Pag takale da haddo halling ga sukuꞌ si Isa pōꞌ man lumaꞌ looy, lay na sila bahuklud pilay. Takka ndooy, tud inu-inu sila sabap takale da na jinisan pallun ma pinakoy ni kalahat-lahatan man da bay lakka.