Malkus 16:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Sugaꞌ yuk lalla looy, “Daa kam ba kinoblaꞌ. Si Isa ilay, jama Nasaret looy ma piha bi, ma bay llansang taꞌ tehang, yaꞌ na luu ntuu. Lay na ya pinakallum. Ndaun bi na limpaꞌ man na bay pinabāk.

Malkus 16:6 ပူးပေါင်းရင်းမြစ်များ

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Malkus 1:24

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Malkus 1:27

Ni kahaylan ga jama ndooy, yuk da padangan-padangan, “Kapatut oy doꞌ ina meꞌ naa? Ilmuꞌ bahau na baw bitu pinōꞌ meꞌ na. Sampay siga seytan ngasip jaꞌ bong iya nohoꞌ!”

Malkus 10:34

binuwat kalabbiyan, lluraan, llagpiꞌ, sampay pinapatoy. Sugaꞌ pag ina mintu taabut ni katallu ngallaw, pinakallum du sina ku pabalik.”

Malkus 14:33

Sugaꞌ lay gi baw boo na ga si Pitel, si Yaꞌkub, ka si Yahiya. Pag-anu, takkahan susa na si Isa maka yaꞌ na katoon-toonan na parasahan na.

Malkus 9:15

Luu jaꞌ siꞌ si Isa takita meꞌ baanan jama looy, takurat sila sampay magti du sila sonse nampang iya.

Lukas 24:46

Maka lay gi ya maintoman sila tunaꞌ njawom kitab, ilooy ma yuk na, “Almasi ina talpaksaꞌ lumingkaꞌ njawom kabinsanaan sampay pinapatoy, sugaꞌ pinakallum du ya ni katallu ngallaw.”

Salsila siga Rasul 2:24

Sugaꞌ san si Isa bay pinapatoy, lay na du ya pinakallum meꞌ Tuhan. Lay na ya pinaddusan man komkoman kapatoy batan ndang tunmanūn sina niiya ā meꞌ kapatoy.

Salsila siga Rasul 4:10

Subay sina tahati bi sampay mimon pagkahi tabi bangsa Israil, lalla tuu ma kapatangge na ni awpan bi batnaa, poonan na bay kaulian, man kawasa-kapatut awon si Isa Almasi, lalla looy man Nasaret. Iya na silay Isa looy ma bay llansang meꞌ bi taꞌ tehang. Sugaꞌ pag patoy na, lay na du ya pinakallum meꞌ Tuhan.