Malkus 16:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Sugaꞌ san siꞌ sila lay na binaan llum na si Isa pabalik sampay lay na ga konoꞌ takita na, amu-amu sila yaꞌ kuhi pitsayaꞌ.

Malkus 16:11 ပူးပေါင်းရင်းမြစ်များ

Matiyu 28:17

Luu jaꞌ siꞌ si Isa takita meꞌ siga mulit na, magti du ya sinumba meꞌ da. Sugaꞌ kasohean sila hawal-hawalan lagi taggahaꞌ saꞌ iya si Isa.

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Lukas 24:11

Sugaꞌ siga rasul si Isa baw siꞌ tu yaꞌ pitsayaꞌ ni bitsala da. Kanna da mitsala jaꞌ sila manunsāp.

Lukas 24:41

Sugaꞌ minsan sila gāk banahan, masi sila kaawran pitsayaꞌ batan landuꞌ ehe jayip da. Dari supaya pitsayaꞌ na sila banahan, ilooy ma nilaw na si Isa, yuk na, “Luu takakan-kakan tabi ntuu?”

Yahiya 20:25

Dari lay na du ya binaan meꞌ siga pagkahi na mulit, yuk da, “Lay kami la sitammu ka Papuꞌ tabi.” Tampung si Tomas baw, “Oy na kam na! Bong niyaꞌ doꞌ bay takita ku limpaꞌ lansang ni tangan na sampay tasallok ku ka timbōꞌ ku, yaꞌ ku kuhi pitsayaꞌ. Maka subay doꞌ bay tapurut ku ka tangan ku limpaꞌ budjak ni saddi na boꞌ ku pitsayaꞌ.”