Malkus 16:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na paddus jaꞌ Llaw Pahali, kuwan si Mariyam man Magdala ka si Salome ka si Mariyam, yana nneꞌ si Yaꞌkub, lay malli uliꞌ hamut man da ngintu mayat si Isa.

Malkus 16:1 ပူးပေါင်းရင်းမြစ်များ

Panagnaan 50:2

Pag-anu, lay na sohoꞌ si Yusup kinapul mayat mmaꞌ na ni siga tukang ngintu mayat.

Malkus 14:3

Na waktu looy siꞌ, lay ga si Isa ndooy ni Betani ni lumaꞌ disu lalla inawnan si Saymon ma bay pingkaꞌ inipu. Pag-anu siꞌ, sasang ga si Isa mangan ndooy, luu na baw pasōng pa mman na disu danda moo katsaꞌ-katsaꞌ dorogan pannoꞌ meꞌ insallan hamut landuꞌ hagaan inawnan nalda. Pag-anu, lay pongan na kallong katsaꞌ-katsaꞌ looy boꞌ tumpahan na insallan hamut looy taꞌ kōk si Isa.

Malkus 14:8

Tuwaꞌ na du situ siꞌ danda tuu bay numpahan baran ku insallan hamut batan sibuꞌ na du ya ka bay manyapan baran ku duhuꞌ para ni llaw ku kinubu.

Malkus 15:40

Ndooy siꞌ, luu gi baanan karandahan maiman man katāhan. Tabeꞌ ninsila yana ga si Mariyam man Magdala, si Salome, ka si Mariyam, yana nneꞌ si Joses ka si Yaꞌkub ma inawnan Siyali.

Malkus 15:42

Na llaw man si Isa siꞌ bay llansang, magsabtan ka llaw man bangsa Yahudi manyap para Llaw Pahali. Pag sumaddop llaw, yaꞌ na sila dari buwat njawom dambahangi-dangallaw.

Malkus 15:47

Kuwan si Mariyam man Magdala ka si Mariyam yana nneꞌ si Joses, lay du mmeꞌ pilay ngindanan tampat man na bay kinubu.

Malkus 16:2

Dari siꞌ, pag taabut llaw Ahad, subu alab lagi, lay na sila pilay pa kubu. Lān da siꞌ pilay,

Malkus 16:8

Dari siꞌ, magti ga danda looy pōꞌ sampay lay na sila sonse palakka man kubu looy. Mipig na ga sila maka tud haylan sila. Lān da siꞌ pilay, yaꞌ na san sila bay māꞌ ni soy maka soy na tandaꞌ ni katawu da.

Lukas 23:54

Na llaw looy ilay siꞌ Jumaat, yana llaw man bangsa Yahudi manyap sabap pag sumaddop llaw yana panagnaan Llaw Pahali.

Lukas 23:56

Pag-anu, lay na pabeleng ga karandahan looy siꞌ pa daira boꞌ da manyap insallan hamut ka uliꞌ halliꞌ man ngintu mayat si Isa. Sugaꞌ yaꞌ na luu dapat da pabeleng pa kubu deꞌ-dēꞌ batan taabut na sila meꞌ Llaw Pahali. Dari lay na du sila pahali man da ngikut saraꞌ agama da.

Lukas 24:1

Na paddus jaꞌ siꞌ Llaw Pahali, sayu alab lagi ni llaw Ahad, lay na ga karandahan looy siꞌ pilay pa kubu si Isa. Maka luu na du bay boo da uliꞌ looy ka insallan hamut ma ndang lay na panyap da halliꞌ man ngintu mayat na.

Yahiya 19:25

Na ndooy siꞌ ni bihing tehang man si Isa bay llansang, luu nangge baanan karandahan, yana nneꞌ si Isa ka danganakan nneꞌ na ka si Mariyam yana nda si Klopas maka si Mariyam man Magdala.

Yahiya 19:31

Na si Isa siꞌ tu bay llansang taꞌ tehang, magsabtan ka llaw siga Yahudi manyap ni paballangan Ngalingkaꞌ. Maka pag meꞌ sumawung yana Llaw Pahali magsabtan na du baw ka paballangan Ngalingkaꞌ. Na kuwan siga pa-mmean Yahudi, yaꞌ sila doman luu gi mayat taꞌ tehang taabut Llaw Pahali. Dari lay sila pilay pa mman Gubnul Pilatu muhun bong dari sohoꞌ na pinōng towang buwaꞌ battis ga lalla looy sikatallu mari sila siglaꞌ matoy. Maka lay du puhunan da siga mayat looy nohoꞌ kinaddoan mandooy.