Malkus 15:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Pag lay jaꞌ ya kabaan meꞌ kapitan looy tud mawjud du, ilooy ma lay na tugutan na si Yusup ngaddoꞌ mayat si Isa.

Malkus 15:45 ပူးပေါင်းရင်းမြစ်များ

Matiyu 27:58

Iya siꞌ tu lay pilay pa mman Gubnul Pilatu maku mayat si Isa mari takubu na. Sampay lay du sohoꞌ Gubnul ndean iya.

Malkus 15:39

Na kuwan kapitan sundalu, luu na pin ndooy nangge ni awpan si Isa. Pag takita na hantang si Isa bay makkat, yuk na, “Tud bana du la lalla tuu Anak Tuhan.”

Malkus 15:44

Na kuwan Gubnul Pilatu siꞌ tu, tud bay jayip ni puhung si Yusup batan kanna na yaꞌ gi bay matoy si Isa. Dari lay linganan na kapitan sundalu na man na pakiyaka bong mawjud du lay na matoy si Isa.

Malkus 15:46

Dari siꞌ, bbuwatan si Yusup, lay malli kuku poteꞌ sampay lay na paduwai na mayat si Isa boꞌ tinungkus. Pag-anu, boꞌ na tinampat ni kubu ma bay pinabuwat ni battisan pampang. Pag-lupus, lay na baw sohoꞌ na lligiran batu mehe man bay nambo behe kubu looy.

Yahiya 19:38

Pag-anu, luu disu lalla man Aramatiya inawnan si Yusup lay pa mman Gubnul Pilatu muhun bong dari kaddoꞌ na mayat si Isa kinubu. Si Yusup ilay siꞌ, mulit si Isa du, sugaꞌ yaꞌ baw bay magpasayu sabap tawu ya ni siga pa-mmean Yahudi. Dari lay du ya pinadari meꞌ Gubnul Pilatu, sampay lay na ya pilay maduwai mayat si Isa.