Malkus 15:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Taabut lisag tallu, ilooy ma ngingan na si Isa pahaddo, yuk na, “Eli, Eli, lama sabaktani?” Hatiyan na siꞌ, “Tuhan ku, Tuhan ku, ongoy ku lay mbanan nu?”

Malkus 15:34 ပူးပေါင်းရင်းမြစ်များ

Matiyu 27:45

Na pag taabut tangngaꞌ llaw, ngalindom na ni sikaliput lahat ngabut sampay lisag tallu kohap.

Matiyu 27:46

Tapit jaꞌ siꞌ lisag tallu kohap, ilooy ma ngingan na si Isa pahaddo, yuk na, “Eli, Eli, lama sabaktani?” Hatiyan na, “Tuhan ku, Tuhan ku, ongoy ku lay mbanan nu?”

Malkus 15:25

Na si Isa siꞌ bay llansang taꞌ tehang ga lisag siyam subu.

Malkus 15:35

Kuwan kasohean jama ma nangge-nangge ndooy, magsāꞌ meꞌ da kale. Sangkon yuk da, “Pakale doꞌ kam ba. Ngalinganan Nabi Eliyas na bilay ya!”

Lukas 23:44

Na pag taabut tangngaꞌ llaw, ngalindom na sikaliput lahat ngabut sampay lisag tallu kohap.

Lukas 23:46

Pag-anu, lay na baw si Isa ngingan pahaddo, yuk na, “Maꞌ, pa-ntan ku na ningkau nyawa ku.” Na paddus na pin si Isa halling meꞌ looy siꞌ, ilooy ma makkat du ya.

Salsila siga Rasul 10:3

Na disu kohap ga lisag tallu, lay si Kolniliyus pinakitahan pandapat meꞌ Tuhan. Njawom pandapat na, ngita ya disu malaikat pasōng pa mman na sambayan na ngingan, yuk na, “Ū Kolniliyus.”

Hibrani 5:7

Na jaman si Isa ntuu ni junyaꞌ, daran ya maku duwaa maka tamūd njawom duwaa na ngattap na ga boheꞌ mata na sambayan na killahap. Bbuwatan na nganjunjung pa Tuhan batan isu-isu Tuhan kasalamat iya man kapatoy na. Dari sabap iya jama lillaꞌ jaꞌ pa Tuhan, lay du bay pinaruli duwaa na.