Malkus 15:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Pag-anu, boꞌ da maghowapan bahasa ngalak iya, yuk da, “Kamura-murahan lanjut du umu nu Ampun Sultan bangsa Yahudi.”

Malkus 15:18 ပူးပေါင်းရင်းမြစ်များ

Panagnaan 37:10

Pag-anu, mmaꞌ da pun lay du tuntutan na upihan na. Sugaꞌ gam pin lay gi ya kinalasuhan meꞌ mmaꞌ na, yuk na, “Upihan oy doꞌ ina meꞌ naa? Saula-ula labba man aku ka nneꞌ nu sampay ga danganakan nu mintu pasōng sujud ni awpan nu!”

Panagnaan 37:20

Anu kam, papatoy tabi na, boꞌ labuꞌ tabi pa jawom tagaꞌ naa ma yaꞌ bohean. Yuk tabi mintu, ‘Lay na sinabbat leꞌ halimaw.’ Ndaꞌ tabi teꞌ bong oy toklas bay upihan na.”

Matiyu 27:29

Maka lay gi sinangonan taꞌ kōk na bahasa karuna bay pabuwat da ka bahan itingan. Pag-anu, boꞌ na pina-ntanan pongan buway ni kawnan na bahasa bastun sultan. Maka lay gi sila nangge ka tuut da bahasa maehe iya man da buwat iya kalabbiyan sambayan da halling, “Kasannangan ningkau Ampun Sultan bangsa Yahudi.”

Malkus 15:17

Luu jaꞌ siꞌ sila kumpo, bbuwatan da lay mapatukan si Isa juba tawuk bahasa juba sultan. Maka lay gi sinangonan taꞌ kōk na bahasa karuna bay pabuwat da ka bahan itingan.

Malkus 15:19

Pag-anu, lay lubak da kōk na ka pongan buway, boꞌ lay gi lluraan. Pag-anu, boꞌ da nangge ka tuut da bahasa numba iya.

Malkus 15:2

Takka ndooy, tilaw Gubnul Pilatu ni si Isa, “Bana kina kau sultan bangsa Yahudi?” Tampung si Isa, “Meꞌ bay halling sambat nu na siꞌ.”

Yahiya 19:3

Pag lupus, salin-sunuꞌ na sila pasōng pa mman si Isa buwat iya kalabbiyan, yuk da, “Kamura-murahan lanjut du umu nu, Ampun Sultan bangsa Yahudi.” Pag-anu, lay gi ya sinuntuk meꞌ da.