Malkus 14:72 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷² Pag-anu siꞌ, ilooy ma tingkauk ni kaminduwa na na manuk. Sampay taintom na meꞌ si Pitel bay tunaꞌ si Isa, ilooy ma yuk na, “Yaꞌ gi san ina mintu bay tingkauk kaminduwa na manuk, ndang min tallu na ko bay maylu bahasa yaꞌ ku takila nu.” Dari siꞌ, lassa hansu na atay na sampay lay na ga kapanangis.

Malkus 14:72 ပူးပေါင်းရင်းမြစ်များ

Matiyu 26:34

Sugaꞌ yuk si Isa, “Baan ta ko banahan Pitel, sangom tuu du situ, yaꞌ gi bay tingkauk manuk, ndang min tallu na ko bay maylu bahasa yaꞌ ku takila nu.”

Malkus 14:30

Sugaꞌ yuk si Isa, “Baan ta ko banahan Pitel, sangom tuu du situ, yaꞌ gi sina mintu bay taabut tingkauk kaminduwa na manuk, ndang min tallu na ko sina mintu bay maylu bahasa yaꞌ ku takila nu.”

Malkus 14:68

Sugaꞌ bbuwatan si Pitel baw, magti maylu, yuk na, “Tau ta la kau. Yaꞌ bina tahati ku bong oy binitsala meꞌ nu!” Paddus meꞌ looy, lay ya pilay pa behe lawang haman looy. Maka ilooy ma tingkauk na manuk.

Malkus 14:71

Dari siꞌ, ilooy ma yuk si Pitel, “Ilu na Tuhan pakale-kale, yaꞌ san katoonan ku bong soy jama looy. Minulkaan na ku meꞌ Tuhan bong yaꞌ bay bana bitsala ku.”

Lukas 22:60

Sugaꞌ yuk si Pitel baw siꞌ tu, “Kau tu, yaꞌ bina tahati ku bong oy bitsala nu!” Na yaꞌ gi san siꞌ ya bay lupus mitsala, ilooy ma tingkauk na du manuk.

Lukas 22:62

Pag-anu, lay magti pōꞌ si Pitel man jawom haman looy sampay tud bay ya nangis banahan ni kasasso na.

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.