Malkus 14:68 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶⁸ Sugaꞌ bbuwatan si Pitel baw, magti maylu, yuk na, “Tau ta la kau. Yaꞌ bina tahati ku bong oy binitsala meꞌ nu!” Paddus meꞌ looy, lay ya pilay pa behe lawang haman looy. Maka ilooy ma tingkauk na manuk.

Malkus 14:68 ပူးပေါင်းရင်းမြစ်များ

Malkus 14:54

Kuwan si Pitel baw siꞌ tu, luu na pin bay patuhut man katāhan sampay lay gi paasok pa jawom haman panghuluꞌ imam looy. Pag-anu, lay gi ya mmeꞌ ningkōꞌ ni bihing api mapasuꞌ-pasuꞌ baran na ka ga tukang jaga ndooy.

Malkus 14:69

Pag takita na baw siꞌ ya balik meꞌ danda looy, lay na baw ya māꞌ ni ga jama ma nangge-nangge ndooy, yuk na, “Lalla looy ilay, lay du siꞌ bay tabeꞌ ninsila.”

Malkus 14:70

Sugaꞌ lay du si Pitel maylu balik. Yaꞌ gi hallom, kuwan kasohean ma nangge-nangge ndooy, yuk da ni si Pitel, “Mattan du bitu hati ko lamud ni baanan ga lalla looy, batan jama Jalil du ko.”

Malkus 14:72

Pag-anu siꞌ, ilooy ma tingkauk ni kaminduwa na na manuk. Sampay taintom na meꞌ si Pitel bay tunaꞌ si Isa, ilooy ma yuk na, “Yaꞌ gi san ina mintu bay tingkauk kaminduwa na manuk, ndang min tallu na ko bay maylu bahasa yaꞌ ku takila nu.” Dari siꞌ, lassa hansu na atay na sampay lay na ga kapanangis.