Malkus 14:49 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁹ Aku bitu, llaw pa dangallaw na ku magpanoan kaam ni langga mehe. Ongoy taggahaꞌ yaꞌ gi ku bay sungkuban bi ndooy? Sugaꞌ biyahun na, nduwan jaꞌ du sina kam mari binakbul na siga tunaꞌ ma bay sinuwatan njawom kitab.”

Malkus 14:49 ပူးပေါင်းရင်းမြစ်များ

Matiyu 1:22

Na pagka si Mariyam bay battong man kawasa Rū Sutsiꞌ, lay na binakbul palman Tuhan ni Nabi Isaya maruhuꞌ-ruhuꞌ, ilooy ma yuk Tuhan,

Matiyu 26:54

Sugaꞌ bong itu ku nohoꞌ na baw tinabang, pooy gi baw meꞌ na binakbul tunaꞌ njawom kitab ma bay ginantaꞌ niyaku?”

Matiyu 26:55

Maka yuk si Isa ni siga jama looy, “Ongoy doꞌ kam ina pitu na ka ga kataliꞌ sampay ga takaka? Ongoy kanna bi, mundu kitu ku? Aku bitu, llaw pa dangallaw na ku bay magpanoan kaam ni langga mehe. Ongoy taggahaꞌ yaꞌ gi ku bay sungkuban bi ndooy?

Matiyu 26:56

Sugaꞌ biyahun na, nduwan jaꞌ sina kam supaya binakbul na siga tunaꞌ ma bay sinuwatan meꞌ kanabi-nabihan.” Pag-anu siꞌ, ilooy ma lay na ya pinasonsehan meꞌ siga mulit na sikamimon.

Malkus 10:1

Na lakka mandooy, lay na baw ga si Isa pilay pa Yahudiya sampay pa dambilaꞌ Sōng Juldan. Ndooy siꞌ, meꞌ sibuwa du, sakiyan manusiyaꞌ lay bahuklud pilay pa mman na. Sampay lay du sila toan na meꞌ ndang tabiat na du.

Malkus 11:27

Na takka jaꞌ siꞌ sila ni Jerusalem, lay si Isa pilay pa langga mehe pabalik. Sasang na maglan-lān ni haman langga, luu pasōng pa mman na siga imam langkaw ka ga guru saraꞌ sampay ga matatoa ni agama.

Malkus 12:35

Na sasang si Isa masi ndooy nōꞌ ni langga mehe, yuk na, “Pamāꞌ siga guru saraꞌ agama Almasi yana disu panubuꞌ Sultan Daud. Boꞌ bana du.

Malkus 14:48

Pag-anu, halling si Isa ni baanan jama looy, “Ongoy doꞌ kam ina, itu na pitu ka ga kataliꞌ sampay ga takaka nungkuban aku? Ongoy kanna bi, mundu kitu ku?

Malkus 14:50

Na ga mulit na baw siꞌ tu sikamimon, magsaw-simpāk na sonse ngambanan iya.

Lukas 19:47

Labba mandooy, llaw-llaw si Isa nōꞌ ni langga mehe. Sugaꞌ kuwan siga imam ka ga guru saraꞌ agama sampay ga pa-mmean Yahudi ndooy, miha na pin jalan man da mapatoy iya.

Lukas 22:37

Boꞌ aku, yaꞌ na hallom tasungkub na situ ku. Song binakbul na situ njataꞌ ku tunaꞌ looy njawom kitab, ilooy ma yuk na, ‘Binilang ya jama tabeꞌ ni sagannap ma ngalangga saraꞌ.’ ”

Yahiya 10:23

Ni waktu looy siꞌ, luu du ndooy si Isa maglan-lān ni poan langga mehe, ndooy ni sawrung pinag-awnan Sawrung Sultan Sulayman.

Yahiya 18:20

Pag tampung si Isa, “Aku ilay bay noan jama, wā ku mitsala njawom jama ni kalangga-langgahan sampay ni langga mehe, nnoy-nnoy man bangsa tabi kumpo-kumpo. Yaꞌ luu waktu ku bay noan jama sipuk-sipuk.

Yahiya 7:37

Taabut jaꞌ siꞌ llaw mulliya ni paballangan looy, yana llaw katapusan na, lay na baw nangge si Isa, boꞌ na mitsala pahaddo, yuk na, “Soysoy kam tohoꞌ kallong bi, pitu jaꞌ kam pa mman ku boꞌ bi painum ku.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Yahiya 8:2

Pag deꞌ sayu, lay na baw ya pabeleng pa langga mehe. Yaꞌ hallom, liput na baw ya meꞌ jama ndooy sampay lay na ya ningkōꞌ nganasihatan sila.