Malkus 14:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na paddus meꞌ looy, duwa ngallaw sa taabut na paballangan Ngalingkaꞌ ka paballangan Tinapay Yaꞌ Magpasulig. Kuwan siga imam langkaw ka ga guru saraꞌ agama, ndang miha na pin lawang man da nungkuban si Isa gantaꞌ yaꞌ tasayu jama supaya tapapatoy da na.

Malkus 14:1 ပူးပေါင်းရင်းမြစ်များ

Panagnaan 37:18

Tā lagi siꞌ, takita da na si Yusup pasōng pa mman da. Dari halloman na siꞌ yaꞌ gi takka, bbuwatan da isun mapatoy iya.

Matiyu 12:14

Pag ndaꞌ siga Parisi meꞌ looy, lay sila lakka man langga, boꞌ da isun bong pooy meꞌ da mapatoy si Isa.

Matiyu 6:2

“Sangkon bila kam naraka ni jama miskin, daa na kam ngakig jama ma magbawuꞌ-bawuꞌ jaꞌ sutsiꞌ. Jama meꞌ looy ilay naraka du bong meka jama kumpo ni langga atawa ni mayran bong pin sila sinanglitan jaꞌ meꞌ manusiyaꞌ. Sugaꞌ baan ta kam banahan, pag taabut da sinanglitan meꞌ jama, ngkod looy du silay tungbas takoleꞌ da.

Malkus 14:12

Pag-anu siꞌ, taabut na llaw sibuwa ni paballangan Tinapay Yaꞌ Magpasulig. Maka ndooy na du llaw man bangsa Yahudi magsumbaliꞌ siga anak bili-bili para paballangan Ngalingkaꞌ. Dari lay na ga mulit si Isa pa mman na nilaw, yuk da, “Tuwan, nnoy tu la karomanan nu man kami manyap leꞌ tabi mangan para ni paballangan Ngalingkaꞌ?”

Malkus 14:2

Sugaꞌ yuk da, “Bong ya sinungkuban, yaꞌ dari sinabuhan ni paballangan taggahaꞌ hiluhalaꞌ na baw manusiyaꞌ.”

Yahiya 11:47

Dari bbuwatan siga Parisi ka ga imam langkaw, magti bay nawag baanan Sanhidrin binoo isun. Kumpo jaꞌ siꞌ sila sikamimon, yuk da, “Pooy tu pamiki tabi? Lalla looy ilay, meka na pabuwatan kahaylan-haylan bay pinōꞌ meꞌ na.

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Salsila siga Rasul 12:4

Pag lay jaꞌ siꞌ tasungkub si Pitel, lay na njīl, boꞌ na nohoꞌ njagahan ni sapu-nnom sundalu. Meꞌ da nganjaga, mpat-mpat magsing-sīng. Niyat Sultan Herod ilay siꞌ, pag lupus paballangan looy, hinukum na si Pitel ni mayran.