Malkus 13:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ “Na bila kam mintu tasungkub sampay pina-ntan pa huwis sinumariya, daa na kam hanggaw bong oy subay halling bi man ngandaawa. Luu du Rū Sutsiꞌ ngunungan kaam sampay muwanan kaam bitsala pataꞌ man nampung. Dari bitsala bi ina mintu lakka man Rū Sutsiꞌ, saꞌ na lakka man pamiki bi dī bi.

Malkus 13:11 ပူးပေါင်းရင်းမြစ်များ

Matiyu 10:17

Iyakin kam batan luu sina mintu masa bi sinungkuban sampay binoo gi pa mman baanan kapakihan nohoꞌ hinukum. Boꞌ llagpiꞌ gi sina kam ni pag-awpan siga jamaa ni siga langga da.

Malkus 13:12

“Ni sinōng, luu sina jama ma yaꞌ pitsayaꞌ niyaku taaku da minsan danganakan da langgung nohoꞌ pinapatoy sabap meꞌ da mmeꞌ niyaku. Damikiyan, luu du sina mintu siga induꞌ-mmaꞌ ma yaꞌ pitsayaꞌ niyaku taaku da minsan anak da mismu nohoꞌ pinapatoy. Kasohean anak pun, bong tasayu da induꞌ-mmaꞌ da mmeꞌ niyaku, mastiꞌ binanta du meꞌ da sampay taaku da lagi nohoꞌ pinapatoy.

Malkus 13:9

“Na kuwan kaam ina, iyakin kam batan luu sina mintu masa bi sinungkuban sampay binoo gi sina kam pa mman baanan kapakihan nohoꞌ hinukum. Boꞌ llagpiꞌ gi kam ni pag-awpan siga jamaa ni siga langga da. Kasohean ina kam binoo gi pa awpan siga gubnul ka ga sultan nohoꞌ hinukum ninsila sabap meꞌ bi mmeꞌ niyaku. Sugaꞌ sabap meꞌ looy, luu na dapat bi masaplag umanat mahap ninsila.

Lukas 21:12

“Sugaꞌ halloman ilay mintu yaꞌ gi bay binakbul mimon meꞌ looy siꞌ, ndang nilaugan na kam. Sinungkuban lagi kam sampay binoo pa langga nohoꞌ hinukum boꞌ njīl. Kasohean ina kam binoo gi pa awpan siga sultan ka siga gubnul nohoꞌ hinukum ninsila sabap meꞌ bi mmeꞌ niyaku.

Yahiya 3:27

Tampung si Yahiya ninsila, “Yaꞌ bilay luu jama ngantanan kawasa-kapatut buwat meꞌ looy bong yaꞌ bay kabuwanan leꞌ Tuhan.

Salsila siga Rasul 2:4

Pag-anu, ilooy ma inassob na sila sikamimon meꞌ Rū Sutsiꞌ. Maka man kawasa na, mitsala na ga sila ni jinisan pallun ma yaꞌ san bay pingkaꞌ kapandoyan da.

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.

Salsila siga Rasul 4:31

Na paddus da siꞌ maku duwaa, sarunduun du jogjog lumaꞌ man da kumpo sampay ssob na ga sila sikamimon meꞌ Rū Sutsiꞌ. Dari hallot na tawakka da masaplag umanat Tuhan.

Salsila siga Rasul 6:10

Sugaꞌ yaꞌ luu meꞌ da tumunga ni bitsala si Esteben sabap luu na pin Rū Sutsiꞌ magpandoyan iya ngandaawa.

Salsila siga Rasul 6:15

Dari siꞌ pinaimanan na pin si Esteben meꞌ kapakihan Sanhidrin sikamimon sampay takita da na ninag na ga luwa na, subay ga luwa malaikat.

Salsila siga Rasul 7:55

Kuwan si Esteben baw siꞌ tu, ssob na meꞌ Rū Sutsiꞌ. Dari pag hangad na pa taꞌ langit, takita na na sahayaꞌ Tuhan maka si Isa nangge ni bihing Tuhan huwin pa kawnan.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

Epesus 3:5

Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

1 Pitel 1:12

Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.