Malkus 12:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Malkus 12:36 ပူးပေါင်းရင်းမြစ်များ

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

1 Korin 15:25

Batan ndang bay ginantaꞌ meꞌ Tuhan subay Almasi marinta ngkod-ngkoran yaꞌ gi katis inannaꞌ mimon banta na ndiyoꞌ pāt battis na.

2 Timuti 3:16

Sikamimon ina njawom kitab yana palman Tuhan bay pinalahil meꞌ na ni manusiyaꞌ. Mehe kapansahaliyan na man noan jama kabanahan maka man makitahan sila dusa da sampay man maintoman sila lān tuwaꞌ bong luu kasaan da, maka man noan sila arat-tabiat intong.

Hibrani 1:13

Maka disu gi tandaꞌ Anak Tuhan patingkat man siga malaikat meꞌ tuu: Sila ilay, yaꞌ luu san disu bay baan Tuhan meꞌ bay halling na ni Anak na, ilooy ma yuk na, “Ningkōꞌ na ko ni bihing ku huwin pa kawnan boꞌ nnaꞌ ku mimon banta nu ni diyoꞌ pāt battis nu.”

Hibrani 4:7

Sangkon, amay-amay bean tabi na suwat njawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi.” Bitsala looy ilay siꞌ bay sinuwatan meꞌ Nabi Daud hatusan taun na paddus bay jaman kabboꞌ-bboan tabi yaꞌ ngasip ni Tuhan. Maksud suwat Nabi Daud ilay man mahati ni jama luu gi masa sarī bay ginantaꞌ meꞌ Tuhan man manusiyaꞌ kapaasok pa jawom pahaliyan na, yana batnaa na situ.

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.

2 Pitel 1:21

atawa pun lakka man bistahan manusiyaꞌ. Arapun Rū Sutsiꞌ mismu bay magmundaan kanabi-nabihan masampay siga umanat man Tuhan.