Malkus 12:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Na pag ndaꞌ si Isa mahap tampung guru looy, yuk na niiya, “Tapit na sina ko tumabeꞌ ni pamarinta Tuhan.” Pus meꞌ looy, yaꞌ na luu bay nawakka nual si Isa pabalik.

Malkus 12:34 ပူးပေါင်းရင်းမြစ်များ

Matiyu 12:15

Pagka katoonan si Isa niyat siga Parisi looy, lay ya lakka man lahat looy. Jama siꞌ tu sakiyan patuhut niiya. Boꞌ lay gi ya ngulian mimon ma sakihan.

Matiyu 12:20

Manimbang ya ni jama ma kaluuy-luuy. Nabang ya jama ma yaꞌ luu pag-asa da. Yaꞌ ya patagong ngkod-ngkoran yaꞌ gi tumanjataꞌ kaintongan ni sikaliput junyaꞌ.

Matiyu 22:46

Pag meꞌ looy jaꞌ bay halling si Isa, minsan disu yaꞌ luu bay nammu halling. Maka labba man llaw looy, yaꞌ na luu bay nawakka nual si Isa pabalik.

Lukas 20:40

Pus meꞌ looy, yaꞌ na luu bay nawakka nual si Isa pabalik.

Suwat si Pol pa mman Baanan Sukuꞌ si Isa ndooy ni Rom 7:9

Jaman yaꞌ gi bay katoonan ku saraꞌ, sangka ku jama mahap na ku. Sugaꞌ pag katoonan ku jaꞌ saraꞌ, mangkin takka na dawom ku ngalangga. Dari man sabapan bay dusa ku ngalangga saraꞌ, sibuꞌ du karuha ku ka jama matoy pa Tuhan.

Galatiya 2:19

“Boꞌ aku baw tu, tabista ku na, san pooy basag ku bay mogbogan saraꞌ, basta yaꞌ du tabogbog ku labbasakayi. Dari lay na tikutan ku saraꞌ mari tatūs ku lān ma bay ginantaꞌ meꞌ Tuhan man jama nulut ni kahandak na. Meꞌ ku ngingat, pagkajama ku maruhuꞌ lay na tabeꞌ matoy ni Almasi llansang taꞌ tehang.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.