Malkus 12:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Na kuwan ga pa-mmean Yahudi baw siꞌ tu ndooy, agon dak na nungkuban si Isa batan tabista da na sila na bay awnan na panungguꞌ ni bay dalil looy siꞌ. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy. Dari lay jaꞌ sila lakka.

Malkus 12:12 ပူးပေါင်းရင်းမြစ်များ

Matiyu 21:26

Bong baw itu yuk tabi, ‘Kapatut na lakka man manusiyaꞌ sadjaꞌ,’ piligru ningkitabi sabap mimon jama ntuu pitsayaꞌ si Yahiya bay disu nabi.”

Matiyu 22:22

Pag takale da bitsala na, tud bay haylan sila ni tampung na sampay lay na jaꞌ sila lakka mandooy.

Malkus 11:18

Lay jaꞌ takale meꞌ siga imam langkaw ka ga guru saraꞌ agama bay bitsala si Isa siꞌ, tud bay dugahan sila. Dari miha na ga sila jalan man da mapatoy iya. Sugaꞌ hanggaw sila taggahaꞌ sinaggaꞌ na baw sila meꞌ baanan jama ndooy ma hangaꞌ na ni tōꞌ na.

Malkus 11:32

Bong baw itu yuk tabi kapatut na bay lakka man manusiyaꞌ, piligru ningkitabi.” Na ngkon da mista meꞌ looy sabap tawu sila pinaglupung-lupungan meꞌ baanan manusiyaꞌ ndooy. Batan labbasakayi manganna si Yahiya disu nabi.

Lukas 20:19

Na pag tabista meꞌ siga guru saraꞌ agama ka ga imam langkaw sila na siꞌ bay awnan si Isa panungguꞌ ni dalil looy siꞌ, kainagon da nungkuban iya. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy.

Lukas 20:6

Bong baw itu yuk tabi, ‘Kapatut na lakka man manusiyaꞌ sadjaꞌ,’ piligru ningkitabi. Batiꞌ ta mintu, mimon jama ntuu ngahiyak kitabi na baw ka batu sabap pitsayaꞌ sila si Yahiya yana disu nabi.”

Yahiya 7:25

Pag-anu, yuk kasohean jama Jerusalem ndooy, “Saꞌ gi kina inaa lalla ma pinagpiha meꞌ pa-mmean tabi pinapatoy?

Yahiya 7:30

Pus si Isa halling meꞌ looy, magdaruhun na dawom siga pa-mmean ndooy nungkuban iya, sugaꞌ yaꞌ luu tapabuwat da sabap yaꞌ gi bay ngabut waktu bay ginantaꞌ niiya.

Yahiya 7:44

Kasohean doman na nungkuban iya, sugaꞌ yaꞌ baw luu bay nawakka ngusik iya.