Malkus 12:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Ilooy ilay siꞌ man gantaan Tuhan, boꞌ tud kainu-inu ningkitabi.’ ”

Malkus 12:11 ပူးပေါင်းရင်းမြစ်များ

Panagnaan 24:50

Pag tampung si Laban ka mmaꞌ na si Betuwel, “Pagka tumatandaꞌ na mimon pakaradjaan looy siꞌ man kahandak Tuhan, san daa na kitabi magtahaꞌ bitsala.

Matiyu 21:42

Pus meꞌ looy siꞌ, yuk si Isa ninsila, “Yaꞌ kilay kam bay kabatsa suwat njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon. Ilooy ilay siꞌ man gantaan Tuhan na du, boꞌ tud kainu-inu ningkitabi.’

Salsila siga Rasul 2:12

Dari tud bay jayip sila sampay papiha-piha na ga sila bong ongoy meꞌ looy. Yuk da padisu-padisu, “Oy doꞌ tu hatiyan na meꞌ tuu?”

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.