Malkus 11:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Bong baw itu yuk tabi kapatut na bay lakka man manusiyaꞌ, piligru ningkitabi.” Na ngkon da mista meꞌ looy sabap tawu sila pinaglupung-lupungan meꞌ baanan manusiyaꞌ ndooy. Batan labbasakayi manganna si Yahiya disu nabi.

Malkus 11:32 ပူးပေါင်းရင်းမြစ်များ

Matiyu 11:9

Sugaꞌ saꞌ ba, maksud bi pilay supaya kam ngita nabi? Na si Yahiya ilay, bana du baw nabi, sugaꞌ baan ta na kam banahan, patingkat gi ya man nabi.

Matiyu 14:5

Dari labba mandooy, doman na jaꞌ Gubnul Herod mapatoy si Yahiya. Sugaꞌ hanggaw ya taggahaꞌ hiluhalaꞌ na baw siga raayat na batan pitsayaꞌ sila si Yahiya disu nabi.

Matiyu 21:46

kainagon da sungkuban da na ya. Sugaꞌ hanggaw baw sila batan baanan ga jama ndooy manganna iya nabi man Tuhan.

Malkus 11:31

Sila baw siꞌ tu, lay doꞌ duhuꞌ isun bong oy pataꞌ tampung da. Yuk da padisu-padisu, “Yaꞌ bitu la luu jalan man tabi tumanjataꞌ. Bong itu tabi māꞌ lakka man Tuhan, yuk na na baw, ‘Bong meꞌ looy, ongoy baw kam yaꞌ bay pitsayaꞌ ni umanat na?’

Malkus 11:33

Dari siꞌ, tampung da niiya, “Yaꞌ la katoonan kami.” Pag halling si Isa ninsila, “Bong meꞌ naa, yaꞌ du kam baan ku bong soy bay muwanan aku kapatut.”

Malkus 12:12

Na kuwan ga pa-mmean Yahudi baw siꞌ tu ndooy, agon dak na nungkuban si Isa batan tabista da na sila na bay awnan na panungguꞌ ni bay dalil looy siꞌ. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy. Dari lay jaꞌ sila lakka.

Malkus 6:20

sabap lay sohoꞌ Gubnul Herod si Yahiya njagahan mari yaꞌ kongoy-kongoy. Mehe maltabat Gubnul Herod ni si Yahiya batan katoonan na si Yahiya jama intong sampay sutsiꞌ pa Tuhan. Sarī gi, tigiꞌ ya pakale ni tōꞌ si Yahiya. Sat na jaꞌ, daran na baw ya takkahan hanggaw bila ya pakale.

Lukas 20:19

Na pag tabista meꞌ siga guru saraꞌ agama ka ga imam langkaw sila na siꞌ bay awnan si Isa panungguꞌ ni dalil looy siꞌ, kainagon da nungkuban iya. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy.

Lukas 22:2

Kuwan siga imam langkaw ka ga guru saraꞌ agama baw, buwatan da isun miha jalan man da mapatoy si Isa sipuk-sipuk mari yaꞌ luu hiluhalaꞌ. Batan tawu sila ni ga baanan jama ndooy.

Yahiya 10:41

Sasang na ndooy, meka na baw jama bay bahuklud pa mman na. Yuk da padisu-padisu, “Jaman si Yahiya la, yaꞌ bay pingkaꞌ mōꞌ siga sipat kawasa Tuhan. Sugaꞌ bong baw bay tunaꞌ na pasal lalla tuu, basta mawjud jaꞌ sikamimon.”

Salsila siga Rasul 5:26

Dari siꞌ, lay du pilay kapitan looy ka ga pagkahi na tukang jaga langga nungkuban siga rasul looy pabalik. Sugaꞌ yaꞌ sila bay mapaddihan ga rasul looy batan hanggaw sila taggahaꞌ hiniyak na baw sila ka batu meꞌ baanan jama ndooy.