Malkus 11:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Lay jaꞌ takale meꞌ siga imam langkaw ka ga guru saraꞌ agama bay bitsala si Isa siꞌ, tud bay dugahan sila. Dari miha na ga sila jalan man da mapatoy iya. Sugaꞌ hanggaw sila taggahaꞌ sinaggaꞌ na baw sila meꞌ baanan jama ndooy ma hangaꞌ na ni tōꞌ na.

Malkus 11:18 ပူးပေါင်းရင်းမြစ်များ

Matiyu 21:15

Sugaꞌ pag takita siga imam langkaw ka ga guru saraꞌ agama ndooy siga pakaradjaan kahaylan-haylan bay pabuwat si Isa, tud bay dugahan sila. Boꞌ lay gi magdaruhun duga da pag takale da siga anak-anak ni langga mehe howap lagi nohoꞌ pinudji panubuꞌ Sultan Daud.

Matiyu 7:28

Paddus si Isa magnasihat, tud bay haylan mimon ndooy ma bay kale ni tōꞌ na.

Malkus 1:22

Jama siꞌ tu ndooy, tud bay haylan ni tōꞌ na, batan tumatandaꞌ luu kapatut na man Tuhan, saꞌ meꞌ tōꞌ siga guru saraꞌ agama.

Malkus 11:32

Bong baw itu yuk tabi kapatut na bay lakka man manusiyaꞌ, piligru ningkitabi.” Na ngkon da mista meꞌ looy sabap tawu sila pinaglupung-lupungan meꞌ baanan manusiyaꞌ ndooy. Batan labbasakayi manganna si Yahiya disu nabi.

Malkus 12:12

Na kuwan ga pa-mmean Yahudi baw siꞌ tu ndooy, agon dak na nungkuban si Isa batan tabista da na sila na bay awnan na panungguꞌ ni bay dalil looy siꞌ. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy. Dari lay jaꞌ sila lakka.

Malkus 3:6

Pag ndaꞌ siga Parisi meꞌ looy, magti sila lakka man langga. Pag-anu, boꞌ da isun ka baanan raayat Gubnul Herod bong pooy meꞌ da mapatoy si Isa.

Malkus 6:20

sabap lay sohoꞌ Gubnul Herod si Yahiya njagahan mari yaꞌ kongoy-kongoy. Mehe maltabat Gubnul Herod ni si Yahiya batan katoonan na si Yahiya jama intong sampay sutsiꞌ pa Tuhan. Sarī gi, tigiꞌ ya pakale ni tōꞌ si Yahiya. Sat na jaꞌ, daran na baw ya takkahan hanggaw bila ya pakale.

Lukas 19:47

Labba mandooy, llaw-llaw si Isa nōꞌ ni langga mehe. Sugaꞌ kuwan siga imam ka ga guru saraꞌ agama sampay ga pa-mmean Yahudi ndooy, miha na pin jalan man da mapatoy iya.

Lukas 2:47

Na sagannap ma bay kale bitsala na ndooy tud bay kapajayip sila ni kalawom pangahati na ka ni kaalistu na nampung.

Lukas 20:19

Na pag tabista meꞌ siga guru saraꞌ agama ka ga imam langkaw sila na siꞌ bay awnan si Isa panungguꞌ ni dalil looy siꞌ, kainagon da nungkuban iya. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy.

Lukas 4:22

Pag-anu, siga jamaa ndooy baw siꞌ tu, bbuwatan da nanglitan iya. Tud bay inu-inu sila ni kaayad bitsala na. Sugaꞌ kasohean baw sila kaawran pitsayaꞌ niiya sampay yuk da, “Saꞌ ba, anak si Yusup jaꞌ ya?”

Yahiya 7:1

Paddus meꞌ looy siꞌ, ndooy sa ni kakawum-kawman Jalil bay palanan si Isa. Yaꞌ na ya bay pilay pa Yahudiya sabap siga pa-mmean Yahudi ndooy doman na jaꞌ mapatoy iya.

Yahiya 7:19

Boꞌ kaam ina sarī. Mangaku baw kam mulit Nabi Musa ma bay ngandean saraꞌ ni kabboꞌ-bboan tabi, boꞌ ko, yaꞌ du kam luu san disu ngikut saraꞌ na. Bong siꞌ ilay bana-bana meꞌ bi ngikut, ongoy baw taggahaꞌ ngulihal gi kam meꞌ bi mapatoy aku?”

Yahiya 7:46

Tampung ga tukang jaga looy, “Yaꞌ baw ba la kami bay lumingkaꞌ kale bitsala meꞌ bitsala lalla looy.”

Salsila siga Rasul 24:25

Pag-anu, lay gi si Pol maan iya subay jama paintong ka ngagak dī da sabap song takka na sina hukuman Tuhan. Dari ilooy ma hanggaw na baw Gubnul Pilik pakale niiya. Sangkon yuk na, “Ddong na doꞌ ko mitsala batnaa. San ko lakka na doꞌ. Tawag ta sa ko pabalik bong mintu luu waktu ku.”