Malkus 11:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Pag meꞌ sumawung, lān ga si Isa pabeleng pa Jerusalem lakka man Betani, lingantu na ya.

Malkus 11:12 ပူးပေါင်းရင်းမြစ်များ

Matiyu 4:2

Ndooy siꞌ, lay si Isa puwasa mpatpūꞌ ngallaw-mpatpūꞌ bahangi, boꞌ tud kalingantuhan na ya.

Malkus 11:13

Pag-anu, ngita ya man katāhan poon igira labung dawun na. Dari lay ya pilay miha buwaꞌ na. Takka pilay, yaꞌ luu bay tatammu na sarī man dawun batan ndang saꞌ ilooy timpu igira buwaꞌ.

Malkus 11:20

Pag meꞌ sumawung subu, lān ga si Isa bbeleng pabalik pa Jerusalem, lay sila pingkaꞌ man poon igira looy balik. Pag ndaꞌ da, matoy na kayu looy sampay layu na ga dawun na labbasakayi.

Lukas 4:2

Sasang na ndooy njawom mpatpūꞌ ngallaw, luu na pin Ibilis nasat iya. Na halloman si Isa siꞌ ndooy, yaꞌ na san ya bay mangan oy maka oy na sampay kalingantuhan na ga.

Yahiya 19:28

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.